Lucas 9:28 - Ke meupiya ne tudtul mekeatag ki Hisu Kristu

²⁸ Guna su nekedsenge pedian en igenat te kinekahi ni Hisus ketà, ne pineruma rin en ensi Pedro, si Juan, wey si Santiago te edtekereg diyà te buvungan su ebpengeningeni.

Lucas 9:28 ပူးပေါင်းရင်းမြစ်များ

Mateo 14:23

Guna su impeipanew rin en ke menge etew, ne midtekereg en sikandin te sebseveka rin diyà te buvungan su ebpengeningeni. Guna su egkesagkup en ne ketà pà si Hisus te sikandin dà.

Mateo 5:1

Guna su nekita ni Hisus ke denda ne menge etew ne miduma kandin ne midtekereg sikandin diyà te buvungan ne rutun mibpinuu. Ne mid-uvey kandin ke menge edumdumaan din.

Marcos 1:35

Guna su egkepkepawà en, ne mid-enew en si Hisus ne mibpemenaug en ne mibpendiyà te endei se warà etew rin ne ketà sikandin mibpengeningeni.

Marcos 6:46

Guna su impeipanew rin en ke menge etew ne midtekereg en sikandin te buvungan su ebpengeningeni.

Lucas 3:21

Guna su langun dut te etew ne nebunyehan en ni Juan ne arà pà ne mibpengkayi si Jesus te ki Juan su ebpebunyag kandin. Ne ketà ne mibpengeningeni si Hisus te Eleteala, ne gewii rin te ebpengeningeni ne iring te nevukaan ke langit

Lucas 5:16

Ugaid ne mid-ewaan din ke merakel ne menge etew su mibpendiyà sikandin te tanà ne warà etew rin ne ketà mibpengeningeni.

Lucas 6:12

Nengepiraan ketà ne midtekereg si Hisus diyà te buvungan su ebpengeningeni, ne nepewpewaan se kebpengeningeni rin te Eleteala.

Lucas 8:51

Guna su nekeuma ran diyà te valey ni Jairo ne iyan din dà impelusud ne si Pedro, wey ke teleari si Santiago ki Juan, wey ke menge lukes dut te vatà.

Lucas 9:18

Senge hewii maa ne mibpengeningeni si Hisus te sebseveka rin ne riyà te uvey rin ke menge edumdumaan din. Ne mid-insaan din sikandan te, “Engkey a kun ma riyà te pegitungan te menge etew?”

Juan 6:3

Ne midtekereg en si Hisus wey ke menge edumdumaan din diyà te buvungan ne mibpinuu ran en.

2 Kurintu 13:1

Iketelu ku en ini te kebpengkeniyan te keniyu. Na upama ke ruen etew ne ebpekukum kedì, ne iyan impesurat ne Lalag te Eleteala se egkahi te, “Embiya ruen nekevaal te kukuman dut te ruma rin ne iyan ebpegingawà se ruen deruwa etawa merakel pà ne ebpenitihus te benar arà.”

Hibruhanen 5:7

Gewii pà ni Hisus kayi te ampew te dunya ne miguriper se luwà din te kegkulayì din dut te pengeningeni rin diyà te Eleteala, su Eleteala rà se ebpekegaga te kebpeliyu kandin dut te kemetayen din. Ne nerineg ke pengeningeni rin te Eleteala su ke kinepeembavà din te hinawa rin wey ke kebperumaruma rin dut te kiyug te Eleteala.

2 Pedro 1:16

Ne ini se impesabut dey keniyu mekeatag te kebmepurù ni Hisu Kristu ke Kerenan tew ketà te kedlived din kayi te ampew te dunya, ne kenà mibèbeelan dà dut te itungan te menusiyà dà dè duen. Ugaid ne ini se impesabut dey keniyu ne benar su nekita rey iya ketà te kebpepurù kandin te Eleteala.