Lucas 9:20 - Ke meupiya ne tudtul mekeatag ki Hisu Kristu

²⁰ “Ne menu sikiyu?” ke si Hisus. “Engkey e ma diyà te pegitungan niyu?” Ne midtavak si Pedro te, “Sikuna si Kristu ke midtendù te Eleteala ne ebperetuen dut te menge etew.”

Lucas 9:20 ပူးပေါင်းရင်းမြစ်များ

Mateo 22:42

“Menu, engkey se pegitungan niyu mekeatag dut te Mesiyas, ini se Impasad te Eleteala rengan ne Ebperetuen te langun? Engkey ki inenakan sikandin?” “Inenakan sikandin dut te ratù tew rengan ne si David,” ke sikandan.

Mateo 26:63

Ugaid ne mibpeeneng-eneng dà si Hisus. Ne migkahi pà maa ini se Pinekemepurù dut te menge terebpelengesa te, “Ini ka te etuvangan te Eleteala ne sesapà ka embiya sikuna ke Anak din ne Impasad din ne Ebperetuen te langun.”

Mateo 5:47

Ne embiya iyan niyu rà edsehipaan ke menge sepakat niyu, ne engkey se kegkereyui keniyu? Warà! Su misan ke menge etew ne kenà ebperetiyaya te Eleteala ne ed-ulaula red dema te iring ketà.

Marcos 14:61

Ugaid ne mibpeeneng-eneng dà si Hisus. Ne migkahi pà maa ini se pinekemepurù dut te menge terebpelengesa te, “Maa, sikuna en iya ini ke Anak te Eleteala ne midtendù din ne ebperetuen din?”

Marcos 8:29

“Ne menu sikiyu,” ke si Hisus, “engkey a ma diyà te pegitungan niyu?” Ne midtavak si Pedro te, “Sikuna si Kristu ke midtendù te Eleteala ne ebperetuen dut te menge etew.”

Lucas 22:67

“Embiya sikuna ke Anak te Eleteala,” ke sikandan, “ne Impasad din ne Ebperetuen din ne kehiya nu kenami.” Ne migkahi si Hisus te, “Misan egkehiyen ku keniyu ne kenà kew ebperetiyaya kediey.

Lucas 9:19

Ne midtavak dan te, “Ruen egkahi te sikuna si Juan ke Ebpemunyag, ne ruen duma ne egkahi te sikuna si Elias ke mibpelambas te Lalag te Eleteala rengan, ne ruen pà ruma ne egkahi te sikuna ke seveka ne mibpelambas te Lalag te Eleteala rengan ne nevanew maa.”

Juan 1:41

Arà dà ne mid-awà en sikandin se ebpemengà ki Simon ke suled din. Nekita rin dà ne migkahi te, “Netuen dey en ke ed-ingaranan te Mesiyas.” (Seveka ne ngaran ini ni Hisu Kristu, ke Impasad te Eleteala ne Ebperetuen din.)

Juan 1:49

“Meyterù,” ke si Natanael, “sikuna ves iya ke Anak te Eleteala! Sikuna en iya ke Edatù keytew ne menge kevuwaran ni Israyil!”

Juan 11:27

Ne midtavak si Marta te, “Uya, mibperetiyaya a te sikuna ke Impasad te Eleteala ne Ebperetuen, ke Anak din ne impepengkayi rin te ampew te dunya.”

Juan 20:31

Ugaid ne ini se mekegeyip ne ulaula ne ingkesurat kayi su apey kew ebpekeperetiyaya te Anak te Eleteala si Hisus, ne ebpekeperetiyaya kew rema te sikandin ke Impasad te Eleteala ne Ebperetuen, su embiya ebperetiyaya kew kandin ne ebpeketelimà kew te umur ne warà edtemanan din.

Juan 4:29

“Pengkayi kew su intengi niyu eyè se etew su intarem din kedì ke langun ne mid-ulaula ku. Engkey, eyè en buwa ke Impasad te Eleteala ne Edatù te langun ne ebpenerengen tew?” kahi rut te meritan.

Juan 4:42

Migkehiyan dan ke meritan te, “Mibperetiyaya key en ne kenà ma ketà dà ebpuun dut te nekahi nu kenami, ugaid ne kayi te nerineg dey en dema ke penurù din ne netuenan dey se benar en iya ne sikandin ke netendù te Eleteala ne ebpeliyu te menusiyà.”

Juan 7:41

Ne ruen duma ne migkahi te, “Sikandin en iya ke Impasad te Eleteala ne Ebperetuen din.” Ugaid ne ruen ruma pà ne migkahi te, “Kenà, su kenà diyà ebpuun te lusud te inged ne Geliliya ke Ebperetuen te Eleteala.

Nenged-ulaula 17:3

Ne midseysey rin kandan ke Lalag te Eleteala wey mibpetuusan din te edresayen wey ed-imetayan arà se Impasad te Eleteala ne Ebperetuen te langun wey ebenawen sikandin. “Si Hisus ini ne impenudtul ku keniyu,” ke si Pablo, “ne sikandin ke Impasad te Eleteala ne Ebperetuen te langun.”

Nenged-ulaula 8:36

Neiseg-iseg te ked-ipanew ran ne ruen neumaan dan te wayig. Migkahi ke meama te, “Ruen wayig ini. Menu, egkepakey en ne ebunyahan a nu?” [

Nenged-ulaula 9:22

Ne ini se kebpesabut ni Saulo mekeatag ki Hisus ne mid-iseg se kevaher din te kebpekepehimbenar dut te menge etew. Ne mepayag nevenar ke tuus ketà te impesabut din te si Hisus ke Impasad te Eleteala ne Ebperetuen te langun. Tembù be ini se menge Hudiyanen ne kayi te Demasku ne warà mekekahikahi.

1 Juan 5:1

Piya engkey ne etew ne mibperetiyaya te si Hisus ke Impasad te Eleteala ne Ebperetuen te langun, ne anak en sikandin te Eleteala. Ne piya engkey ne etew ne egkelimù dut te Amey tew ne Eleteala ne egkelimù dema ini se menge anak din.