Lucas 8:34 - Ke meupiya ne tudtul mekeatag ki Hisu Kristu

³⁴ Guna su nekita ini rut te menge etew ne edtuganur ketà te menge bavuy ne mibpemelelahuy ran en su impemenudtul dan ini diyà te inged dan wey ke nekeerivey ne pengengewiran.

Lucas 8:34 ပူးပေါင်းရင်းမြစ်များ

Mateo 28:11

Ne ketà te kineipanew en dut te menge meritan se ed-awà kayi te leveng, ne mibpendiyan en te Hirusalim ke menge sundaru ne ebantey te leveng su mibpenudtulan dan ke menge mepurù te terebpelengesa te langun ne ned-ulaula kayi.

Mateo 8:33

Nekita ini rut te menge etew ne edtuganur ketà te menge bavuy ne mibpemelelahuy ran en diyà te inged su impemenudtul dan ini wey ke ned-ulaula rut te menge etew ne midsuukan te vusew.

Marcos 5:14

Guna su nekita ini rut te menge etew ne edtuganur ketà te menge bavuy ne mibpemelelahuy ran en su impemenudtul dan ini diyà te inged dan wey ke nekeerivey ne pengengewiran. Nerineg ini rut te menge etew, ne mibayaan dan en su midsusi ran.

Lucas 8:33

Ketà dà ne mid-ewaan dan en ke meama ne mibpengasuk dan en dut te menge bavuy, ne mibpemelelahuy en ke menge bavuy se ed-umpak diyà te dempilas ne nengelened dan en diyà te ranew.

Lucas 8:35

Nerineg ini rut te menge etew, ne mibayaan dan en su midsusi ran. Nekeuma ran ketà te ki Hisus ne nekita ran en ke meama ne midsuukan te merakel ne vusew pehaney ne riyà mibpinuu te rengdengaan ni Hisus, ne mibevelegkas en ne nekeulit en ke itungan din. Ketà ne nengeandek dan nevenar.