Lucas 8:10 - Ke meupiya ne tudtul mekeatag ki Hisu Kristu

¹⁰ Ne migkahi si Hisus kandan te, “Sikiyu en imbe se ebpesebuten te Eleteala rut te warà din pà impayag te piya engkey ne etew mekeatag dut te kedatù din te menge etew. Ugaid ke ruma ne menge etew ne ibpepevayà te sempità su apey, misan edtengteng dan, ne kenà dan ebpekekita; ne misan egkerineg dan, ne kenà dan egkesebutan ke meana rin.”

Lucas 8:10 ပူးပေါင်းရင်းမြစ်များ

Mateo 11:25

Ne ketà ne mibpengeningeni si Hisus se egkahi te, “Ew Amà, sikuna ke Kerenan diyà te langit wey kayi rema te ampew te dunya. Dekelà se kebpeselamat ku kenikew su impayag nu ke ketau nu rut te menge etew ne warà egketùtuenan din, ne in-eles nu ini se ketau nu rut te menge etew ne dekelà se netuenan din.

Mateo 16:17

“Mibpenaub ka, Simon ne anak ni Juan!” ke si Hisus. “Su benar ini se migkahi nu, ugaid ne kenà etew se mibpayag kayi te kenikew su ke Amey ku riyà te langit.

Marcos 4:11

Ne migkahi si Hisus te, “Sikiyu ne edurumaruma kediey, ne ebpesebuten en te Eleteala rut te in-eles dengan mekeatag te kedatù te Eleteala te menge etew, ugaid ke ruma ne menge etew ne ibpenurù kandan te ibpepevayà te menge sempità,

Marcos 4:12

su apey ‘Misan edtengteng dan, ne kenà dan ebpekekita; ne misan ebpemineg dan, ne kenà dan ebpekesabut. Su embiya nesebutan dan, ne edlived dan ke hinawa ran diyà te Eleteala ne egkepesehad din sikandan.’”

Juan 12:40

“Mibpelekapan dan te Eleteala su apey kenà dan ebpekekita. Ne mibpekeresen ke itungan dan su apey ran kenà ebpekesabut. Ne iyan pè be se ked-uvey ran kedì te ebperetiyaya su apey ku igkepeliyu sikandan!”

Ruma 16:25

Edeyù kiyu te Eleteala! Su sikandin dà ke ebpekevehey te kebmetihel te kebperetiyaya niyu sabap dut te Meupiya ne Tudtul mekeatag ki Hisu Kristu ne impemenudtul ku wey sabap dut te benar ne ne in-eles te neuhet dà dengan ugaid ne impayag en guntaani.

1 Kurintu 12:11

Ne langun kayi ne ketau ne riyà da ebpuun te ke Kedesenan ne Ebpetuntul te Menusiyà, su sikandin se ebayàbayà ke endei rin ibehey arà se ketau.

Kulasi 2:2

Su kiyug ku ne ebmeilut ke hinawa niyu te kedsarig ki Hisu Kristu wey egkeseveka ke itungan niyu atag te kebpelimlimuey. Su embiya ini se ed-ul-ulaan niyu ne egkesebutan niyu nevenar ne kenà duwaruwa se hinawa niyu rut te benar ne nesebutan niyu mekeatag ki Hisu Kristu, ini se behu en ne impayag te Eleteala.

1 Timoteo 3:16

Netuenan tew langun ne ke kerekelà te penurù te Eleteala ne impayag din keyta ne mibperetiyaya rey en. Egkahi te, Nevaluy si Hisu Kristu ne etew ne mid-ubpà kayi te ampew te dunya, ne ke Kedesenan ne Ebpetuntul te Menusiyà, se iyan midtitihus te tuney sikandin ne Anak te Eleteala, ne nekita sikandin te suluhuen te Eleteala. Ne impemenudtul sikandin diyà te langun ne menge etew kayi te ampew te dunya, ne merakel se nekeperetiyaya kandin ini te lusud te dunya, ne mibpeliendud si Hisus diyà te Amey rin diyà te langit.