Lucas 7:45 - Ke meupiya ne tudtul mekeatag ki Hisu Kristu

⁴⁵ Warà a nu en iya gelhelawa te ked-arek dut te kebpemenayik ku te valey nu misan ini ke betasan tew. Ugaid ne ini mulà se meritan ne mibpulungpulung en mid-arek te paa ku igenat te kebpekeuma ku.

Lucas 7:45 ပူးပေါင်းရင်းမြစ်များ

Mateo 26:48

Ugaid ne ketà te warà dan pà med-ipanew ne ruen ingkahi ni Hudas kandan te, “Ke etew ne ed-uvayen ku ne ed-erekan ku ne arà imbe ke ebpemengaan niyu. Sigkema niyu!”

Ruma 16:16

Ne langun niyu ne pesegsehipeey kew su tuus te ruen kebpelimlimuey niyu. Langun ne menge mibperetiyaya kayi te ebelàbelà ne inged ne ebpenginginsà dan dut te langun ne sikiyu keniyan.

1 Kurintu 16:20

Langun ne ruma ku ne mibperetiyaya kayi ne ebpenginginsà dan dema keniyu. Ne sikiyu rema keniyan ne mebpeed-edatey wey mebpelimlimuey kew.

Ipisu 6:4

Sikiyu ne menge lukes, kenà niyu layun igkeepesi ke menge anak niyu; ugaid ne ipetidtu niyu sikandan te edait ne ulaula rut te menge etew ne mibperetiyaya en ki Hisu Kristu ke Kerenan, ne penurua niyu sikandan dut te kiyug din kandan.

1 Tiselunika 5:26

Ikahi niyu rà diyà te langun ne menge ruma ta ne mibperetiyaya mekeatag dut te limù dey kandan.