Lucas 7:27 - Ke meupiya ne tudtul mekeatag ki Hisu Kristu

²⁷ Su si Juan ini ke impeuna kediey ne nekahi te Eleteala rut te impesurat ne Lalag din rengan ne egkahi te, ‘Duen edsuhuen ku ne ibpeuna ku keykew te kebpekepenehana rut te menge etew te kebpekeuma nu.’”

Lucas 7:27 ပူးပေါင်းရင်းမြစ်များ

Mateo 11:10

Su si Juan ini ke nekahi te Eleteala rut te impesurat ne Lalag din rengan se egkahi te, ‘Duen edsuhuen ku ne ibpeuna ku keykew te kebpekepenehana rut te menge etew te kebpekeuma nu.’

Marcos 1:2

Iyan din ini rudsuan ne nekedsuhatey dut te impesurat te etew ne mibpelambas te Lalag te Eleteala ne si Isaias su impesurat kandin te Eleteala se egkahi te, “‘Duen edsuhuen ku ne ibpeuna ku keykew,’ ke se Eleteala, ‘te kebpekepenehana rut te menge etew te kebpekeuma nu.’

Lucas 1:76

“Ne sikew ini ne anak ku, iyan idtawag keykew ne ebpelambas te Lalag te Eleteala ne warà repeng din. Su edsuhuen ka nikandin te ibpeuna dut te Kerenan tew, su ebpeketuenan te menge etew te ebpenehana rut te kebpekeuma rin.

Lucas 7:26

Engkey ve iyan se mid-intengan niyu? Engkey, etew ne ebpelambas te Lalag te Eleteala? Arà imbe! Ugaid ne igkahi ku keniyu te arà se nekita niyu ne labi pà dut te etew ne ebpelambas te Lalag te Eleteala.

Lucas 7:28

Ne migkahi pà maa si Hisus te, “Tentenuri niyu ini, warà pà etew ne in-anak kayi te ampew te dunya ne ebpekerepeng ki Juan ke Ebpembunyag. Ugaid ne misan ke kevevaan en ne etew dut te langun ne Edetuan te Eleteala diyà te langit ne labi pà ki Juan.”

Juan 1:23

Midtavak si Juan ne ke migkahi rin ne iring dut te impesurat ne Lalag te Eleteala ki Isayas ke mibpelambas te Lalag te Eleteala rengan ne migkahi sikandin te, “Siaken ke etew riyà te tanà ne kenà egkeubpaan te etew ne ebpenawag dut te menge etew ne ed-uvey kedì, ne migkahi a te, ‘Mehaan ebpekeuma ke Kerenan, ne tidtuwa niyu ke ibayà din, ne iyan din meana ne tilaka niyu ke hinawa niyu su apey kew egkepenehana te kebpekeuma rin.’ ”