Lucas 7:24 - Ke meupiya ne tudtul mekeatag ki Hisu Kristu

²⁴ Guna su mid-ulì en ke menge suhù ni Juan ne midlalag en si Hisus mekeatag ki Juan diyà te denda ne menge etew ne nevurun, ke sikandin te, “Ketà te kinependiyà niyu te ki Juan diyà te tanà ne kenà egkeubpaan te menge etew, ne engkey se mibpenareng niyu ne egkekita niyu? Maa, ebpenareng kew te ebpekekita kew te etew ne iring te karan ne edsemsemberen te keramag?

Lucas 7:24 ပူးပေါင်းရင်းမြစ်များ

Lucas 1:80

Ne nekeiseg-iseg en ke kerekelà te anak en ni Zacarias ne mid-iseg en dema ke ketau rin mekeatag te Eleteala. Guna su dekelà en sikandin ne mibpendiyan en te tanà ne kenà egkeubpaan te etew, ne ketà mid-ubpà taman te neuma ke hewii te kebpenurù din te menge kevuwaran ni Israyil mekeatag te Lalag te Eleteala.

Lucas 3:2

Ne iyan menge mepurù dut te langun ne terebpelengesa te Eleteala rut te menge Hudiyanen ne si Anas wey Kayipas. Si Juan be ini, ke anak ni Zacarias, ne riyà pà te tanà ne kenà egkeubpaan te etew ne diyan en meumai sikandin te lalag te Eleteala te ebperudsuen te helevek din.

Lucas 7:23

Ne peketueni niyu kandin,” ke si Hisus, “te dayirayi nevenar ke etew ne kenà eduwaruwa kediey.”

Lucas 7:25

Engkey ve iya, etew ne mibevelegkas te nepenù te rayandayan? Kenà buwa su ke etew ne mibevelegkas te iring ketà ne meupiya nevenar se egketemanan din ne riyà niyu rà egkekita te turuhan te menge ratù.

Juan 1:23

Midtavak si Juan ne ke migkahi rin ne iring dut te impesurat ne Lalag te Eleteala ki Isayas ke mibpelambas te Lalag te Eleteala rengan ne migkahi sikandin te, “Siaken ke etew riyà te tanà ne kenà egkeubpaan te etew ne ebpenawag dut te menge etew ne ed-uvey kedì, ne migkahi a te, ‘Mehaan ebpekeuma ke Kerenan, ne tidtuwa niyu ke ibayà din, ne iyan din meana ne tilaka niyu ke hinawa niyu su apey kew egkepenehana te kebpekeuma rin.’ ”

Ipisu 4:14

Su embiya iring kayi se egketemanan tew, ne kenà kiyu en ebpekeiring te vatà ne melemu ne ebperetiyaya te piya engkey ne penurù ne iring dut te utan te ralan ne eduma te edsungu wey ed-ulì. Su kenà kiyu ebpelimbung dut te menge etew ne metau ne edliyuk te tarù ne penurù dan.

2 Pedro 2:17

Ne embiya idsempità ta ini se menge etew ne ebpenurù te tarù ne iring dan te tuhunan ne neiratan ne warè en pantag din, etawa iring dan te kivel ne idlayap te keramag ne warà misan senge tihis dà ne uran. Impenehana en te Eleteala ini se medmerusirem diyà te apuy nerakà ne ed-ubpaan dan.

2 Pedro 3:17

Ugaid ne sikiyu ne menge suled ku, tehaad te impenudtul ku en keniyu neraan mekeatag te ini se ebpenurù te tarù, ne uram kew su apey kew kenà ebpekeruma dut te tarù ne penurù dan. Su embiya ebperumaruma kew kandan, ne egkereetan kew su ke benar ne penuruan ne mibperetiyaya kew ne egkeawà diyà te keniyu.