Lucas 6:35 - Ke meupiya ne tudtul mekeatag ki Hisu Kristu

³⁵ Ugaid ne sikiyu, iyan ku igkahi keniyu ne limui niyu ke menge kunterà niyu ne upiani niyu ke ed-ul-ulaan niyu kandan. Embiya ebpeutang kew ne kenà niyu pegitunga te kebpevayad ne ketà ne rekelà se idlalew keniyu. Su embiya ini se ed-ul-ulaan niyu, ne egkekita kayi te keniyu te sikiyu ne menge anak en te Eleteala ke mepmepurù te langun. Su melimù ke Eleteala misan diyà te menge etew ne warà te hinawa ran ke tavang din wey ke menge etew ne meraat se ulaula ran.

Lucas 6:35 ပူးပေါင်းရင်းမြစ်များ

Mateo 5:9

Dayirayi ke menge ebpemedtuntey te menge etew, su sikandan ke ed-engkunan te Eleteala ne anak din!

Marcos 5:7

Ne mibensag en sikandin se egkahi te, “Sikuna ini si Hisus ke Anak te Eleteala ne warà repeng din. Engkey ma se kememeniyà nu kediey? Isapà nu te etuvangan te Eleteala te kenà a nu pemekeiri,” ke sikandin.

Lucas 1:32

Ebmepurù sikandin ne iyan duma ne id-umew kandin ne Anak en iya te Eleteala ne pinekemepurù te langun. Iyan ebpepurù kandin ne Eleteala,” ke se suluhuen, “su ibehey rin kandin ke edetuan dut te apù din dengan ne si David.

Lucas 6:36

Tembù be keyru kew te ruma ne etew iring dut te kegkeyru te Amey niyu riyà te langit kayi te langun niyu.”

Juan 13:35

Embiya ebpelimlimuey kew,” ke si Hisus, “ne egkekita te langun ne menge etew te sikiyu ne menge edumdumaan ku.”

Juan 15:8

Su embiya ebpemehas kew te merapung ne egkereyù ke Amey ku ne Eleteala, ne iring ketà se kegketueni te sikiyu ne benar ne edumdumaan ku.

Nenged-ulaula 14:17

Ugaid ne misan iring ketà te intuhut din, ne ruen menge tuus ne ibpekilala rin te sikitew ne menge etew ne duen igkeupiya tew. Su ebehayan kiyu rin te uran ne ebpekepevahas te pinemula tew te hewii te kebehas. Ibehey rin keytew ke keuyahan tew ne ibmehalew te hinawa tew.”

2 Kurintu 8:9

Netuenan niyu te rekelà ke tavang ni Hisu Kristu ke Kerenan tew su ketà te ked-ubpà din diyà te langit ne sikandin ke kemuney te langun taman, ugaid ne mid-awà sikandin ketà su mibpengkayi te ampew te dunya ne mibpevaluy sikandin ne etew su atag dut te limù din keytew. Ned-ulaula arà su apey ruen dalan te ebpekeamung ki kandin te egkemuney dut te keupianan diyà te langit.

2 Timoteo 3:2

Ruen menge etew ne ginawa ren dà se ebpegitungen dan, ed-umamin dan te kearen dan, dekarak dan wey mepereyù, meharang se kebpengahikahi ran ne kenà dan en iya ed-adat te menge lukes dan. Embiya ebehayan etawa edtevangan dan ne warà te hinawa ran, ne warè en iya te itungan dan se kebpegeleteala.