Lucas 6:21 - Ke meupiya ne tudtul mekeatag ki Hisu Kristu

²¹ Dayirayi kew ne menge egkevitil guntaan, su ebpekevulungan kew te Eleteala keuremà. Dayirayi kew ne menge egkemutu guntaan, su egkehalewhalew kew keuremà.

Lucas 6:21 ပူးပေါင်းရင်းမြစ်များ

Mateo 5:4

Dayirayi ke menge egkemutuwan, su edlenganen te Eleteala ke hinawa ran!

Mateo 5:6

Dayirayi ke menge ebpeuna te hinawa ran se kedtuman te kiyug te Eleteala, su edtevangan dan te Eleteala te kedtuman kayi!

Lucas 1:53

Ke menge etew ne layun en neirui, ne mibehayan te Eleteala te kurang dan; ugaid ke menge etew ne kewasa, ne pineulì din te kuyaskuyas.

Lucas 6:20

Ne midtengtengan ni Hisus ke menge edumdumaan din ne migkahi en te, “Dayirayi kew ne menge ayuayu, su sikiyu ke edetuan te Eleteala.

Lucas 6:22

Dayirayi kew ke egkeepesan kew te menge etew ne kenà kew nikandan edsehipaan, ne ebpenempelaen kew, wey egkahi ran te mereatey kew su kayi egenat dut te keduma niyu ke Impeanak te Menusiyà.”

Lucas 6:25

Mekeruanduan kew ne ebpengevulung guntaan, su ruen timpu ne egkevitil kew keuremà. Mekeruanduan kew ne nengehalew guntaan, su ruen timpu ne egkemutu kew wey ebpekesinehew kew keuremà.

Juan 11:35

Ketà ne nekesinehew en si Hisus.

Juan 4:10

Midtavak si Hisus te, “Bayi, embiya perem egketuenan nu rà ke engkey ke ibehey te Eleteala, ne embiya perem egkekilala nu rà ke engkey a ini se ebuyù keykew te egkeinum, ne sikuna pà nasì se ebuyù te egkeinum nu kayi te kedì,” ke si Hisus. “Ne igkevehey ku keykew ke wayig ne ebpekevehey te kegkeuyag.”

Juan 6:35

Ne migkahi si Hisus te, “Siaken arà se egkeenen ne ebehey te umur ne warà edtemanan din. Ke etew ne eduma kedì su ebperetiyaya ne iring te etew ne kenà en egkevitil. Uya, ke etew ne edsarig kedì ne iring te etew ne kenà en ebpekeinum.

1 Kurintu 4:11

Ne sikami ne taman gunteani ne kurang se kegkaan dey wey ked-inum, wey ke belegkas dey ne ebpendriteyritey en. Ne uman key rà egkebedasi, ne warà egketail ne ed-ubpaan dey.

2 Kurintu 11:27

Ne ruen se midrumerasey a te egelevek, ne ruen arà se egkepurang a, ne ruen se egkevitil a wey ebpekeinum a. Ruen arà se warà egkekaan ku, ne ruen arà se utew ad ne egkeadsil su kurang se kebevelegkasan ku.

2 Kurintu 12:10

Ketà be ne ingkehalew ku su piya engkey se ebpekerumpak kedì iring te meluvey se lawa ku, kebpegkeyaa kedì, kemerehenan ku, kebpesipelaa kedì, etawa kemeresayen ku su atag te kedsarig ku ki Hisu Kristu, langun kayi ne egketigkeran ku su embiya ebmeluvey a ne ebeheren a rin dut te gehem din.

2 Kurintu 6:10

Ne misan duen merakel ne igkemereheni rey, ugaid ne kenà egkeawà ke kegkehalew rey. Iring key en te egkeayuayu, ugaid ne kayi ebpuun te ibpenurù dey ke Meupiya ne Tudtul ne igkewasa te ruma ne etew. Iring te warà kearen dey kayi te ampew te dunya, ugaid ne nehaked dey ma ke langun taman ne intail te Eleteala kenami diyà te langit.

Santiago 1:12

Na ke etew ne misan ebpekeanuyanuy te kemerehenan ne eduma red lavew te Eleteala, ne sikandin ne ruen kehelawan din. Su netuenan din se egkeipus ke kedtigker din te kemerehenan, ne ebpeketelimà te lalew rin ne arà se umur ne warà edtemanan din ne impasad dengan te Eleteala dut te langun ne egkelimù kandin.

Imperayag 21:3

Ketà ne ruen merahing ne suwara ne nerineg ku ne riyà ebpuun te ebpinuuwan dut te edatù ne migkahi te, “Na, ke ed-ubpaan te Eleteala guntaani ne diyan en te menge etew. Ed-ubpà sikandin diyà te kandan ne egkevaluy ran ne menge sakup din. Uya, sikandin se ebpekiduma kandan ne sikandin ke Eleteala ran.

Imperayag 7:16

Ne kenà dan en egkevitil, ne kenà dan en ebpekeinum. Kenà dan en egkepesangan dut te meinit me andew etawa piya engkey ne meinit.