Lucas 5:5 - Ke meupiya ne tudtul mekeatag ki Hisu Kristu

⁵ Migkahi si Simon te, “Nepewpewaan key en se ebpemiyala ne warà key en iya mekeutel, ugaid embiya arà se kahi nu ne ebpemiyala key maa.”

Lucas 5:5 ပူးပေါင်းရင်းမြစ်များ

Lucas 17:13

ne midtawag dan en se egkahi te, “Hisus, Meyterù, ikeyru key nikuna!”

Lucas 8:24

Mid-uvey ran si Hisus ne mibpukew ran en se egkahi te, “Meyterù, egkeherà ki en!” Ne mid-enew si Hisus ne pineengked din en ke keramag wey ke dekelà ne baleg. Arà dà ne mid-eneng-eneng en ke keramag wey baleg ne seguguneey ne midlengen ke ranew.

Lucas 8:45

Ne migkahi si Hisus te, “Engkey ma se mid-amì kediey?” Guna su mibparew ran langun ne migkahi si Pedro te, “Engkey se kegketueni nu, Meyterù, te merakel ne etew ne ebpekelipit kenikew?”

Lucas 9:33

Ne gewii te ed-awà ke deruwa ne etew riyà te ki Hisus ne migkahi si Pedro te, “Meyterù, meupiya su kayi ki! Edsesabung key te tetelu, seveka keykew, seveka ki Moises, wey seveka rema ki Elias.” (Ugaid ne matag be migkahi si Pedro te iring ketà ne warà din metueni ke engkey se egkehiyen din.)

Lucas 9:49

Ne migkahi si Juan ki Hisus te, “Meyterù, duen etew ne neuma rey ne ebpenegseg te vusew te ibpepevayà dut te gehem te ngaran nu, ne midawey rey sikandin su kenà tew ma ruma.”

Juan 15:14

Ne sikiyu ke menge sepakat ku embiya edtumanen niyu ini se menge suhù ku keniyu.

Juan 2:5

Ne migkahi en ke iney ni Hisus dut te menge sugsuhuen te, “Dumai niyu te misan engkey se idsuhù din.”

Juan 21:3

Ne migkahi en si Simon Pedro te, “Ebpenginsedà e pad.” Migkahi en ke menge ruma rin te, “Eduma key keykew.” Arà dà ne mibpendiyan dan en te wayig ne mid-untud dan en te avang se ebpenginsedà, ugaid ne nepewpewaan dan se ebpenginsedà ne warà dan mekeutel.