Lucas 5:4 - Ke meupiya ne tudtul mekeatag ki Hisu Kristu

⁴ Nekeipus si Hisus se ebpenurù ne migkehiyan din si Simon te, “Purai niyu en be ini se avang nu riyà te kalud ne pemiyala kew en su apey kew ebpekeutel.”

Lucas 5:4 ပူးပေါင်းရင်းမြစ်များ

Mateo 17:27

Ugaid ne kenà meupiya,” ke si Hisus, “ke ebmeraat ke hinawa rut te ebpevayad te buwis keyta. Pendiyà ka te ranew ne pemunuwit ka ne ke egkeuna ne edtugtug diyà te bunuwit nu ne bigkata nu en. Ne ketà te bèbà te neutel nu ne egkekita nu ke kureta ne ereg ne ibayad ta te buwis. Kua nu ini ne pendiyà ka te Nekebpuru ne Valey te Eleteala su ivayad nu ini te buwis ta.”

Lucas 5:5

Migkahi si Simon te, “Nepewpewaan key en se ebpemiyala ne warà key en iya mekeutel, ugaid embiya arà se kahi nu ne ebpemiyala key maa.”

Juan 21:6

Migkahi si Hisus te, “Iantug niyu ayan se biyala niyu keniyan te egkekewanan te avang niyu su apey kew ebpekeutel.” Arà dà ne in-antug dan en ke biyala ran ne wey ran gelengkena ne kenà dan en egkegaga su merakel ke neutel.