Lucas 5:22 - Ke meupiya ne tudtul mekeatag ki Hisu Kristu

²² Ugaid ne netuenan ni Hisus ke netahù te itungan dan ne migkehiyan din sikandan te, “Meambe ke netahù te itungan niyu se iring keniyan?

Lucas 5:22 ပူးပေါင်းရင်းမြစ်များ

Mateo 12:15

Guna su nerineg ni Hisus ini se netahù te itungan rut te menge Peresiyu, ne mid-awà sikandin ketà te inged ne denda ne menge etew se miduma kandin. Ne neulian din ke langun ne ebpenderaru,

Mateo 12:25

Ugaid ne netuenan ni Hisus ke netahù te itungan dan ne migkahi en te, “Upama ke ruen datù te inged ne iyan ded ed-uney ebpevunuey ke menge sakup din, ne egketunggad arà se inged din. Ne iring din ded dema ke ruen pehinged etawa telteleanak ne iyan ded ed-uney egkewaha, ne warà ebpengkusan din ke kenà egkevurahey.

Mateo 9:4

Ugaid ne netuenan en ni Hisus ke netahù te itungan dan, ne migkahi en sikandin diyà te kandan te, “Meambe ke netahù te itungan niyu se iring keniyan ne meraat?

Marcos 8:17

Ne netuenan ni Hisus ke engkey se ibpeleglelahey ran ne migkehiyan din en sikandan te, “Meambe ke iyan niyu egkepengasak se warà niyu kebpekeewit te pan? Maa, warà kew pè bes mekasabut? Maa mevavew pè be se itungan niyu?

Lucas 24:38

Ugaid ne migkahi sikandin kandan te, “Meambe ke egkeandek kew maa kedì? Meambe ke duwaruwa se hinawa niyu kedì?

Lucas 5:21

Guna su nerineg dut te menge meyterù te penduan te Hudiyanen wey ke menge Peresiyu ne ebpinuu ketà ne kehingginawa ran te, “Engkey uvag etawa ini se edsumpalit te Eleteala? Warà etew ne ebpekepesahad te salà embiya kenà ke Eleteala!”

Lucas 5:23

Endei rapit se melemu,” ke si Hisus, “te egkahi riyà te minatey se lawa rin te, ‘Ke menge salà nu ne nepesehad en’ etawa ve egkahi te, ‘Enew ke en ne luluna nu ke ikam nu ne ipanew ke en’?

Nenged-ulaula 5:3

Ne migkehiyan sikandin ni Pedro te, “Ananias, meambe ke midtuhut ka ne ke datù te pekaid se ebayàbayà te hinawa nu su midtarùtarù ka rut te Kedesenan ne Ebpetuntul te Menusiyà? Su ruen intahak nu ne elehà dut te mibpasa nu ne tanà.

Hibruhanen 4:12

Ke Lalag te Eleteala ne ebpekeiring te biviyag su mekegehem. Ne lavi pà se keharang te Lalag te Eleteala dut te memeharang ne sundang ne idtibas te etew ne medmeralem se id-uteng din. Ebpekeiring ketà su idtempayar din ke itungan wey ke kiyug dut te menge etew ne ed-eles te hinawa rin.

Imperayag 2:23

Ne ed-imetayan ku rema ke menge etew ne eduma rut te impenurù din su apey egkekita te langun ne mibperetiyaya te siaken ke netau te langun ne netahù te itungan dut te menge etew wey ke egkiyuhan dan dema. Ne edusaan ku red dema ke uman seveka kandan te piya engkey se edait dut te menge ulaula ran.