Lucas 5:13 - Ke meupiya ne tudtul mekeatag ki Hisu Kristu

¹³ Arà dà ne midampen ni Hisus ke meama se egkahi te, “Uya, egkiyug a, meulii ka!” Arà dà se nekahi rin ne neawà en ke sakit dut te meama su neulian en.

Lucas 5:13 ပူးပေါင်းရင်းမြစ်များ

Mateo 8:3

Ne midampen ni Hisus sikandin se egkahi te, “Uya, egkiyug a,” ke sikandin. “Meulii ka!” Arà dà ne neawà en ke sakit dut te meama su neulian en.

Lucas 4:39

Mid-uvey si Hisus dut te meritan ne pineawà din ke rateng. Arà dà ne neawà en ke rateng din ne mid-enew sikandin ne mid-ilutù en te ibpekaan kandan.

Lucas 5:12

Senge hewii ne riyà si Hisus te inged ne ruen meama ne nelumbus ke lawa rin te kevuwa ne muna pà te it-it. Nekita rin si Hisus ne midnunutnunut en se ed-uvey kandin ne mibpemuyù en se egkahi te, “Mama, embiya perem egkiyug ke rà ne egkeulian nu ini se meredsik ne sakit ku.”

Lucas 5:14

Ne mid-il-ilutan en ni Hisus te egkahi dut te meama te, “Kenà nu ve imbe kegkehiya ini te misan endei en, ugaid ne riyà ka tilandeng te terebpelengesa ne ibpekita nu kandin te neulian ke en. Ne ivehey nu ve kandin ke ibpelengesa te Eleteala ne insuhù dengan ni Moises dut te menge etew ne neulian te sakit dan ne kevuwa su apey metueni te langun te neulian ke en.”