Lucas 4:35 - Ke meupiya ne tudtul mekeatag ki Hisu Kristu

³⁵ Ne pineengked en ni Hisus ke vusew se egkahi te, “Engked ka rà, ne awà ka keniyan te meama ayan!” Ne intimbag pà dut te vusew ini se meama kayi te etuvangan te menge etew, ne mid-awà sikandin ugaid ne warà din mekeiri ini se meama.

Lucas 4:35 ပူးပေါင်းရင်းမြစ်များ

Mateo 17:18

Ne pineawà ni Hisus ke vusew ne mid-awà en diyà te kandin, ne arà dà dema ne neulian en.

Mateo 8:26

Ne migkahi si Hisus te, “Meambe ke nengeandek-andek kew? Kurang kew te sarig kedi!” Ne mid-enew en ne pineengked din en ke keramag wey menge baleg, ne midlengen en ke ranew.

Marcos 1:26

Arà dà ne pinekerker en te mevaher dut te vusew ke meama ne pinekuleyì din te merahing, ne mid-ewaan din en ke meama.

Marcos 4:39

Nepukew si Hisus ne mid-enew en ne pineengked din en ke keramag wey baleg ne migkahi te, “Engked kew!” Arà dà ne mid-eneng-eneng ke keramag, ne midlengen en ke ranew.

Marcos 9:26

Arà dà ne migkulayì en ke vusew ne mibidbid din en ke vatà, ne mid-awà en diyà te kandin. Ne iring en te minatey ini se vatà su warà en mekewaleng, ne migkahi en ke menge etew ketà te, “Minatey en!”

Lucas 11:22

Ugaid ne embiya ruen mevaher pà ne etew ne edsulung ne ebpeketalew kandin wey egkeahew en ke metarem ne edserihan dut te etew ketà te valey, ne langun dut te netavan din ne egkepengumun-umun din en dut te menge ruma rin.”

Lucas 4:23

Migkahi si Hisus te, “Ruen beseenan tew ne igkesuati niyu ves te egkahi kayi te kedì ini se egkahi te, ‘Embiya ebpemawì ka ne etew, ne bawii nu ke lawa nu.’ Ne seveka maa buwa ne egkekahi niyu te, ‘Ruen nerineg dey ne mid-ulaula nu riyà te inged ne Kapirnawum, ne kun imbe ul-ulaa nu rema kayi te keykew ne inged.’

Lucas 4:39

Mid-uvey si Hisus dut te meritan ne pineawà din ke rateng. Arà dà ne neawà en ke rateng din ne mid-enew sikandin ne mid-ilutù en te ibpekaan kandan.

Lucas 4:41

Ne misan ke menge vusew ne impeawà din dut te menge etew ne edteverehen dan. Ne embiya ebpeewaen en ini se vusew ne egkuleyì dan te, “Sikuna ke Anak te Eleteala!” Ugaid ne pineengked ni Hisus sikandan su kenà din idluhut ne edlalag dan su netuenan dan te sikandin ke Impasad te Eleteala rengan ne Ebperetuen te langun.

Lucas 8:24

Mid-uvey ran si Hisus ne mibpukew ran en se egkahi te, “Meyterù, egkeherà ki en!” Ne mid-enew si Hisus ne pineengked din en ke keramag wey ke dekelà ne baleg. Arà dà ne mid-eneng-eneng en ke keramag wey baleg ne seguguneey ne midlengen ke ranew.

Lucas 9:39

Ne ruen busew ne edsuuk kandin ne embiya egkeumaan sikandin ne edtekew ne egkuleyì ne egkehurivid ke lawa rin taman te eburvuraen ke bèbà din. Merasirasi edsuuk ke vusew kandin ne egkekeiran en sikandin.

Lucas 9:42

Ne gewii te ed-ewiten dan ke batà kayi te ki Hisus ne midsuuk en maa ke vusew kandin ne nepiley sikandin ne nehurivid en ke lawa rin. Ugaid ne midsegseg ni Hisus ke vusew, ne neulian din ke vatà, ne in-ulì din diyà te amey rin.

Imperayag 12:12

Tembù be sikiyu ke langun ne ed-ubpà diyà te langit, ne egkehalew kew su impeawà si Setanas! Ugaid ne egkeyruwan kew ne ed-ubpà diyà te tanà wey rahat su in-antug en si Setanas diyà te keniyu! Ne neepes nevenar sikandin su netuenan din te mehaan en egkepupus ke hewii rin te ebaal te meraat.”