Lucas 4:25 - Ke meupiya ne tudtul mekeatag ki Hisu Kristu

²⁵ Benar ini se egkehiyen ku keniyu, iring ini se ed-ul-ulaan niyu guntaani rut te timpu rengan ne biviyag pà si Elias ke mibpelambas te Lalag te Eleteala. Su nekedtetelu ne rahun wey enem ne vulan ne warà uran, ne nesuhat te bitil ke langun ne inged din, ne merakel se menge ruma tew ne Hudiyanen ne nevalu ne meritan ne ebpengerehenan ketà te bitil.

Lucas 4:25 ပူးပေါင်းရင်းမြစ်များ

Mateo 20:15

Meambe, kenà ku egkeveyveyaan ke kedì ne kureta? Maa, egkeima kew su metulanged a dut te menge etew?’

Lucas 10:21

Ketà ne hewii ne mibpehalew si Hisus dut te kedlumun te Kedesenan ne Ebpetuntul te menusiyà ne mideyù din ke Eleteala se egkahi te, “Ew Amà, sikuna ke Kerenan diyà te langit wey kayi rema te ampew te dunya. Dekelà se kebpeselamat ku kenikew su impayag nu ke ketau nu rut te menge etew ne warà egketùtuenan dan, ne in-eles nu ini se ketau nu rut te menge etew ne dekelà se netuenan dan. Uya, dekelà se kedeyù ku keykew, Amà, te ini se mid-ulaula nu su ini ke kiyug nu.”

Ruma 9:15

Su migkahi ke Eleteala rengan diyà te ki Moises te, “Siaken se ebayàbayà ke engkey ne etew se egkeyruwan ku, wey engkey ne etew se igkelimù ku.”

Ruma 9:20

Ugaid ini se egkehiyen ku keniyu ne maa, egkepakey ve te sikitew ne midlimbag dà te Eleteala ne ebpenavak kandin? Embiya idsempità ta te midiyun ne kuren, ne engkey, egkepakey ne egkahi ke kuren te, “Meambe ke iring kayi se kineriyuna nu kedì?”

Ipisu 1:11

Langun taman ne egked-ulaula ne netahù en te Eleteala te itungan din ne egked-ulaula ini. Tembù be mibpemilì ki en nikandin rengan te warà pà melimbag ini se dunya su apey ki egkevaluy ne sakup din sabap dut te kebperetiyaya tew ki Hisus.

Ipisu 1:9

ne kayi ve ne ebpekesabut kiyu en te Eleteala te netahù te itungan din ne in-eles din pehaney ke engkey se netahù te itungan din ne edtumanen din dut te kedsuhù din ki Hisu Kristu.

Santiago 5:17

Pegitunga niyu si Elias dengan. Misan etew rà sikandin iring kenitew, ne mibpengeningeni sikandin te midsepuntung din se hinawa rin te kenà med-uran ne warà dema med-uran lusud te tetelu ne rahun wey tengà.

Imperayag 11:6

Ne ruen gehem dan dema te ebangen te kivel su apey kenà ed-uran dut te hewii ne ebpesebutan dan ke Lalag te Eleteala. Ruen ded dema gehem dan apey ke menge wayig ne egkevaluy ne lengesa, ne ruen ded dema gehem dan te edresayen dan ke langun ne menge etew kayi te ampew te dunya te biasbias ne menge keresayan piya keenu se kiyug dan.