Lucas 4:10 - Ke meupiya ne tudtul mekeatag ki Hisu Kristu

¹⁰ Su ruen impesurat ne Lalag te Eleteala ne egkahi te, ‘Edsuhù ke Eleteala te menge suluhuen din ne ebpetugenuren keykew.’

Lucas 4:10 ပူးပေါင်းရင်းမြစ်များ

Lucas 4:11

Ne ruen dema ketà ne egkahi te, ‘Edsepirawen ka nikandan su apey kenà egkerudruri ke menge paa nu te batu.’”

Lucas 4:3

Ne migkehiyan ni Setanas ke datù te pekaid si Hisus te, “Embiya sikuna en ke Anak te Eleteala ne pebeluya nu ini se batu ne pan.”

Lucas 4:8

Ne migkahi si Hisus te, “Ruen impesurat ne Lalag te Eleteala ne egkahi te, ‘Iyan niyu rà erapa ne Kerenan ne Eleteala niyu, ne sikandin dà se ebperumdumaan niyu.’”

2 Kurintu 11:14

Kenà ku ini igkeselekawi su iring dan ki Setanas ke datù te pekaid ne egkegaga rin te edsalin ke paras din te ebpekeiring dut te suluhuen te Eleteala.

Hibruhanen 1:14

Su ini se menge suluhuen te Eleteala, ne edsugsuhuen din dà iya sikandan su ebpetevangen dut te menge etew ne midtelimà dut te umur ne warà edtemanan din.