Lucas 3:9 - Ke meupiya ne tudtul mekeatag ki Hisu Kristu

⁹ Ne sikiyu ne iring te menge kayu ne kenà ebahas te meupiya, tembù be ebpilayen. Ne iring te nekekayew en ke adsa su ebpemilayen en ne edtimbag diyà te apuy.”

Lucas 3:9 ပူးပေါင်းရင်းမြစ်များ

Mateo 3:10

Ne sikiyu ne iring te menge kayu ne kenà ebahas te meupiya, tembù be ebpilayen. Ne iring te nekekayew en ke adsa su ebpemilayen su idtimbag diyà te apuy.

Mateo 7:19

Ne langun ne menge kayu ne kenà ebahas te meupiya ne ebpilayen ne idrapug su ebinsulan.

Lucas 13:6

Ne ruen maa ruma ne sempità ne imperineg ni Hisus kandan, ke sikandin te, “Duen senge etew ne meama ne ruen kayu rin ne ed-ingaranan te igira ne impemula riyà te pemulaan din. Senge hewii ne midlauy rin su ebpenareng en sikandin ke ruen bahas din, ugaid ne warà.

Lucas 13:7

Ketà dà ne migkehiyan din ke meama ne ed-ihawan ketà te, ‘Egkemenu ini se senge puun ne kenà pà lavew ebahas? Su nekedtetelu en ne rahun se kebpemematì ku te ebehas ne warà pà lavew bahas din. Pilaya nu en! Su ebpekeenget dà kayi te ruma pà ne pinemula.’

Lucas 13:9

Ne embiya ebahas ded kayi te edtundug ne rahun ne meupiya. Ugaid ne embiya kenà ne arà pà ne ibpepiley nu en.’”

Juan 15:6

Su ke etew ne ebpitas kediey,” ke si Hisus, “ne igketimbag sikandin iring dut te subpang ne idtimbag su egenguwen. Embiya nehangu en, ne eburunen ne idtimbag diyà te apuy su ebinsulan.

Hibruhanen 10:28

Su rengan ne misan engkey ne etew ne warà meduma rut te penduan ne intahak ki Moises, ne ruen deruwa etawa tetelu ne etew se nekekita ini ne ebpeketitihus te kinepekesurang din te penduan, ne ebpeimetayan te warà kegkeyruwi.

Hibruhanen 12:29

su ke Eleteala tew ne ruen gehem din te kedusa iring te regreg te apuy ne ebpeketutung te langun taman.