Lucas 3:2 - Ke meupiya ne tudtul mekeatag ki Hisu Kristu

² Ne iyan menge mepurù dut te langun ne terebpelengesa te Eleteala rut te menge Hudiyanen ne si Anas wey Kayipas. Si Juan be ini, ke anak ni Zacarias, ne riyà pà te tanà ne kenà egkeubpaan te etew ne diyan en meumai sikandin te lalag te Eleteala te ebperudsuen te helevek din.

Lucas 3:2 ပူးပေါင်းရင်းမြစ်များ

Mateo 11:7

Guna su nekehenat en ke menge edumdumaan ni Juan, ne midlalag en si Hisus mekeatag ki Juan diyà te denda ne menge etew ne nevurun, ke sikandin te, “Ketà te kinependiyà niyu te ki Juan diyà te tanà ne kenà egkeubpaan te menge etew, ne engkey se mibpenareng niyu? Maa, ebpenareng kew te ebpekekita kew te etew ne iring te karan ne edsemsemberen te keramag?

Mateo 26:3

Ne arà dema ne hewii ne miburun ke menge mepurù te terebpelengesa wey ke menge pekilukesen te Hudiyanen diyà te turuhan ni Kayipas, ke pinekemepurù dut te langun ne terebpelengesa

Marcos 1:2

Iyan din ini rudsuan ne nekedsuhatey dut te impesurat te etew ne mibpelambas te Lalag te Eleteala ne si Isaias su impesurat kandin te Eleteala se egkahi te, “‘Duen edsuhuen ku ne ibpeuna ku keykew,’ ke se Eleteala, ‘te kebpekepenehana rut te menge etew te kebpekeuma nu.’

Lucas 1:80

Ne nekeiseg-iseg en ke kerekelà te anak en ni Zacarias ne mid-iseg en dema ke ketau rin mekeatag te Eleteala. Guna su dekelà en sikandin ne mibpendiyan en te tanà ne kenà egkeubpaan te etew, ne ketà mid-ubpà taman te neuma ke hewii te kebpenurù din te menge kevuwaran ni Israyil mekeatag te Lalag te Eleteala.

Juan 1:23

Midtavak si Juan ne ke migkahi rin ne iring dut te impesurat ne Lalag te Eleteala ki Isayas ke mibpelambas te Lalag te Eleteala rengan ne migkahi sikandin te, “Siaken ke etew riyà te tanà ne kenà egkeubpaan te etew ne ebpenawag dut te menge etew ne ed-uvey kedì, ne migkahi a te, ‘Mehaan ebpekeuma ke Kerenan, ne tidtuwa niyu ke ibayà din, ne iyan din meana ne tilaka niyu ke hinawa niyu su apey kew egkepenehana te kebpekeuma rin.’ ”

Juan 18:24

Neipus ni Anas te ed-insà si Hisus ne impelaus din en diyà te ki Kayipas ke enuhang din ne iyan Pinekemepurù te langun ne menge terebpelengesa. Si Hisus ini ne nevakù pà lavew.

Nenged-ulaula 4:6

Elin dema rutun ne si Anas ke Pinekemepurù dut te menge Terebpelengesa, si Keyipas, si Juan wey si Alejandro, wey ruen duma ne menge suled dut te Pinekemepurù ne Terebpelengesa.