Lucas 24:5 - Ke meupiya ne tudtul mekeatag ki Hisu Kristu

⁵ Ne nekelumpeng ke menge meritan te kegkeandek dan. Ne migkahi ini se deruwa ne meama te, “Meambe ke ebpemengaan niyu kayi te edlevengan te minatey arà se etew ne biviyag?

Lucas 24:5 ပူးပေါင်းရင်းမြစ်များ

Lucas 1:29

Guna su nerineg ni Maria ke lalag dut te suluhuen te Eleteala ne neliveg nevenar sikandin, ne mibpegpegitung din te engkey vuwa se meana rin.

Lucas 24:4

Gewii ran te ed-it-itindeg ketà se neliveg, ne neketekew en nekeitindeg se deruwa ne meama ne ebpeneringsing se velegkas dan.

Lucas 24:6

Warà en sikandin kayi su nevanew en. Tentenuri niyu rè ma ke migkahi rin keniyu rut te riyà kew pà te Geliliya.

Nenged-ulaula 2:24

Ugaid ne impeliyu te Eleteala si Hisus dut te inged ne Iveyaan su mibanew rin, su kenà egkepakey ne egkeveyveyaan si Hisus te kemetayen.

Hibruhanen 7:8

Ne ruma pà, ne mepurù pà si Milkisidik dut te menge terebpelengesa ne inenakan ni Levi ne midtelimà dut te ikesepulù ne umun, su minatey red sikandan su etew rè ma rema sikandan. Ugaid ne si Milkisidik ke midtelimà dut te ikesepulù ne umun ne imbehey ni Abraham, ne iring te viviyag ded lavew sikandin su warà ingkesurat dut te Lalag te Eleteala mekeatag te kemetayen din.

Imperayag 1:18

Siaken ke ruen umur din ne warà edtemanan. Ne misan mid-imetayan a nikandan ne nevanew a iya, ne guntaani ne kenà ad ebpatey. Siaken ke egawed dut te umur te menge etew, ne siaken ded ke ebayàbayà dut te Iveyaan.

Imperayag 2:8

Ne ketà ne migkahi pà maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Ismirna, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ebpuunan te langun taman ne siaken rema ke ebpeengked dut te langun. Minatey a ugaid ne nevanew a red.