Lucas 24:4 - Ke meupiya ne tudtul mekeatag ki Hisu Kristu

⁴ Gewii ran te ed-it-itindeg ketà se neliveg, ne neketekew en nekeitindeg se deruwa ne meama ne ebpeneringsing se velegkas dan.

Lucas 24:4 ပူးပေါင်းရင်းမြစ်များ

Marcos 16:5

Ne mid-awuk dan en ne iyan dan nekita ne menguwed ne meama ne mibevelegkas te meputì ne riyà mebpinuu te egkekewanan dan, ne nengeandek dan.

Lucas 2:9

Ne netekew se ruen mibpekita kandan ne suluhuen te Kerenan riyà ebpuun te langit, ne mibpesilaan te Kerenan sikandan te raman din. Ne nengeandek dan nevenar.

Lucas 24:5

Ne nekelumpeng ke menge meritan te kegkeandek dan. Ne migkahi ini se deruwa ne meama te, “Meambe ke ebpemengaan niyu kayi te edlevengan te minatey arà se etew ne biviyag?

Nenged-ulaula 1:10

Edlingakà dan pà diyà te langit se edtengteng te kebetuneen kandin, ne netekew en se deruwa ne meama ne mibevelegkas te meputì ne nekeitindeg diy te uvey ran

Nenged-ulaula 12:7

Netekew te duen suluhuen te Kerenan ne nekeitindeg diyà te uvey rin, ne ruen merayag kayi te lusud te bilengguan. Ne migunggel dut te suluhuen si Pedro ne migkehiyan din te, “Gaan ke en med-enew!” Arà dà ne nengeulug en ini te sengkalì ne imbakù te belad din.

1 Timoteo 3:16

Netuenan tew langun ne ke kerekelà te penurù te Eleteala ne impayag din keyta ne mibperetiyaya rey en. Egkahi te, Nevaluy si Hisu Kristu ne etew ne mid-ubpà kayi te ampew te dunya, ne ke Kedesenan ne Ebpetuntul te Menusiyà, se iyan midtitihus te tuney sikandin ne Anak te Eleteala, ne nekita sikandin te suluhuen te Eleteala. Ne impemenudtul sikandin diyà te langun ne menge etew kayi te ampew te dunya, ne merakel se nekeperetiyaya kandin ini te lusud te dunya, ne mibpeliendud si Hisus diyà te Amey rin diyà te langit.