Lucas 24:36 - Ke meupiya ne tudtul mekeatag ki Hisu Kristu

³⁶ Gewii te ebpenudtul dan kayi ne netetau ran te kayi en mekeitindeg si Hisus te teliwarà dan. Ne migkahi en te, “Na, mebmelintad ke hinawa niyu!”

Lucas 24:36 ပူးပေါင်းရင်းမြစ်များ

Mateo 10:13

Ne embiya edtelimaen kew rut te etew ketà te valey, ne ke kinepenuvadtuvad niyu ne egketuman ketà te kandan. Ugaid ne embiya kenà dan edtelimà keniyu, ne ke kinepenuvadtuvad niyu ne keniyu red.

Marcos 16:14

Ketepusan be ne mibpekita si Hisus dut te sepulù wey seveka ne edumdumaan din gewii te egkaan dan. Midseweyan din sikandan su kurang ke sarig dan ne merehen te hinawa ran te kebperetiyaya rut te lalag te menge etew ne nekekita kandin te nevanew en.

Lucas 10:5

“Ne piya engkey ki baley se egkepemenayikan niyu ne penehetiat kew se egkahi te, ‘Menu ma ebpeneuven te Eleteala ke langun ne ed-ubpà kayi te valey ini!’

Juan 14:27

Uya, misan ed-ewaan ku en sikiyu, ne edtahakan ku sikiyu te kebmelintad te hinawa niyu. Ini se kebmelintad te hinawa niyu ne ibehey ku keniyu ne kayi ebpuun te kediey. Ke menge etew kayi te ampew te dunya ne kenà ebpekevehey te kelintad ne iring kayi, ketà be ne kenà kew meuru, ne kenà kew meandek.”

Juan 16:33

“Langun kayi ne migkahi ku keniyu,” ke si Hisus, “su apey ebmelintad ke hinawa niyu te kebpekidseveka niyu kediey. Su kayi te ampew te dunya ne edresayen kew te menge etew ne ed-engkenà kediey. Ugaid ne misan iring ketà ne kenà niyu ebpilaya ke hinawa niyu, su netalew ku en ke datù te pekaid ne migkamal kayi te ampew te dunya!”

Juan 20:26

Nekedsenge pedian maa ketà ne nevurun ke menge edumdumaan ni Hisus diyà te senge valey ne rutun en dema si Tomas. Ne mibpemintù dan, ugaid ne misan iring ketà ne neketekew en maa si Hisus nekeitindeg diyà te teliwarà dan. Ke sikandin te, “Na, mebmelilintad ke hinawa niyu.”

Nenged-ulaula 1:3

Guna su mid-imetayan sikandin ne nevanew en maa ne mibpekitakita sikandin dut te menge kedserihan din. Ne merakel ne tuus ne impekilala rin kandan su titihus te biviyag en sikandin. Su lusud te epat nepulù ne hewii ne kemerakel sikandin mibpekitakita kandan wey mibpengasak sikandin mekeatag dut te Kedatù te Eleteala.

1 Kurintu 15:5

Impesabut ku keniyu te guna su nevanew en sikandin ne mibpekita ki Pedro, ne arà pà ne mibpekita diyà te langun ne kedserihan din.

1 Kurintu 15:7

Neipus arà ne diyan en maa mibpekita sikandin te ki Santiago, ne arà pà ne riyà te langun ne kedserihan din.

2 Tiselunika 3:16

Iyan dey egkiyuhan ne ke Kerenan tew ne si Hisu Kristu se ebehey te kebmelinew te hinawa niyu piya engkey se egketemanan niyu su sikandin se ebpuunan te itungan ne melinew. Ne dumai kew rema nikandin.

Imperayag 1:4

Siak si Juan ke midsurat kayi. Ini se insurat ku ne riyà te langun niyu ne menge mibperetiyaya ne diyà te pitu ne menge inged te pruvinsiya ne Asiya. Egkiyuhan ku ne ebpeneuven kew rut te Eleteala wey ke Kedesenan ne Ebpetuntul te Menusiyà wey si Hisu Kristu. Egkiyuhan ku rema ne ebmelintad ke hinawa niyu mekeatag kandan. Ini se Eleteala ne daan en sikandin te warà pà limbaha ke misan engkey en, ne kemulu pà sikandin guntaan wey sikandin ded lavew taman te taman. Ne ke Kedesenan ne Ebpetuntul te Menusiyà ne pitu se ralan te kebpekita rin dut te gehem din ne diyà ed-ubpà te etuvangan te ebpinuuwan te kedatù te Eleteala. Ne si Hisu Kristu ke egkeserihan ne titihus mekeatag te Eleteala. Sikandin ke neuna ne mibanew te Eleteala dut te kebpatey rin, ne sikandin rema ke benar ne datù ne ebayàbayà dut te langun ne ruen kebayàbayà din kayi te ampew te dunya. Dekelà ke limù din keytew, ne ketà te imbùbù din ke lengesa rin kenitew dut te kinepatey rin ne sikandin ke mibpeliyu keytew rut te kedusa te Eleteala te salà tew.