Lucas 23:22 - Ke meupiya ne tudtul mekeatag ki Hisu Kristu

²² Ne migkahi en maa si Pilatu te iketelu en te, “Meambe? Engkey se meraat ne mid-ulaula rin? Su warà netuen ku ne salà din ne dait ne id-imetayi kandin. Ibpelambit ku rà sikandin ne ibpelihawang ku en.”

Lucas 23:22 ပူးပေါင်းရင်းမြစ်များ

Lucas 23:14

Ne migkehiyan din sikandan te, “Mid-ewit niyu ini se etew kayi te kedì ne egkehiyen niyu ne ebpeatu sikandin kayi te menge etew rut te mepurù tew. Ugaid ne mid-insaan ku en sikandin kayi te etuvangan niyu ne warà netuen ku ne salà din iring dut te idwagib niyu.

Lucas 23:16

Ugaid ne ibpelambit ku rà sikandin ne ibpelihawang ku en.” (

Lucas 23:20

Duen kiyug ni Pilatu te iyan ibpelihawang ne si Hisus ne ketà ne mid-insà maa sikandin dut te menge etew.

Lucas 23:21

Ugaid ne mibpememensag se egkahi te, “Ipelansang nu! Ipelansang nu riyà te ebpebelevahen ne kayu!”

Lucas 23:23

Ugaid ne mid-ilut dan pà se ebpememensag se egkahi te ebpeimetayan sikandin, ne warè en mekeehen si Pilatu.

Lucas 23:4

Ne migkahi si Pilatu riyà te menge mepurù te terebpelengesa wey ke merakel ne menge etew ne nevurun ketà, ke sikandin te, “Warà netuen ku ne salà ne id-isuhat ku kayi te etew ini.”

1 Pedro 1:19

Su iyan din imbelukas keytew ne ke impelengesa ne Anak din ne si Hisu Kristu. Ne sikandin ne iring te nati te bilibili ne nepemilì dan su warà sarir din ne ibpelengesa ran su ibehey te Eleteala. Ne iring ketà si Hisus Kristu su sikandin ne warà iya salà din.

1 Pedro 3:18

Su misan si Hisu Kristu ne warà salà din ne mibpeimatey sikandin su atag dut te sikitew ne mekesesalà su apey ibpelived ta ke hinawa ta diyà te Eleteala. Keseveka rà se kinepatey rin atag dut te salà ta, ne kenà en edseupan su nepasad en. Ugaid ne misan mid-imetayan te menge etew ke lawa rin ne biviyag ded sikandin su warà mibpatey ke gimukud din,