Lucas 23:2 - Ke meupiya ne tudtul mekeatag ki Hisu Kristu

² Nekeuma ran ne imperineg dan ki Pilatu ke id-isuhat dan kandin se egkahi te, “Nesepenan dey ini se meama ne ebpesuwey rut te menge etew kayi te inged tew su impeengked din ke menge etew ne ebayad te buwis diyà te mepurù tew ne si Cesar. Ne migkahi rin te sikandin kun ke midtendù te Eleteala ne ebperetuen.”

Lucas 23:2 ပူးပေါင်းရင်းမြစ်များ

Mateo 17:27

Ugaid ne kenà meupiya,” ke si Hisus, “ke ebmeraat ke hinawa rut te ebpevayad te buwis keyta. Pendiyà ka te ranew ne pemunuwit ka ne ke egkeuna ne edtugtug diyà te bunuwit nu ne bigkata nu en. Ne ketà te bèbà te neutel nu ne egkekita nu ke kureta ne ereg ne ibayad ta te buwis. Kua nu ini ne pendiyà ka te Nekebpuru ne Valey te Eleteala su ivayad nu ini te buwis ta.”

Mateo 22:21

“Paras wey ngaran dut te ratù tew kayi te inged ne Ruma,” ke sikandan. “Embiya iring ketà,” ke si Hisus, “ne ivehey niyu diyà te datù ayan se buwis kandin, ne ivehey niyu riyà te Eleteala ke endei rema ke kandin.”

Mateo 27:11

Ne mibpeneheewit dan si Hisus diyà te ki Pilatu ke gubinedur ne impeetuvang dan ki Pilatu su ed-insaan. “Menu,” ke si Pilatu, “sikuna en iya ke ratù te menge Hudiyanen?” “Uya, ayan iya se migkahi nu,” ke si Hisus.

Marcos 12:17

“Embiya iring ketà,” ke si Hisus, “ne ivehey niyu diyà te datù ayan se bayad te buwis ne kandin, ne ivehey niyu riyà te Eleteala ke endei rema ke kandin.” Ne ingkeinuinu ran nevenar ini se migkahi ni Hisus.

Marcos 15:2

Ne mid-insaan en ni Pilatu si Hisus te, “Menu, sikuna en iya ke ratù te menge Hudiyanen?” Midtavak ni Hisus te, “Uya, ayan iya se migkahi nu.”

Lucas 23:14

Ne migkehiyan din sikandan te, “Mid-ewit niyu ini se etew kayi te kedì ne egkehiyen niyu ne ebpeatu sikandin kayi te menge etew rut te mepurù tew. Ugaid ne mid-insaan ku en sikandin kayi te etuvangan niyu ne warà netuen ku ne salà din iring dut te idwagib niyu.

Lucas 23:5

Ugaid ne nasì dan en ne mibpemensag se egkahi te, “Ini se menge penurù din se puunan te ebpeetuwen din ke menge etew ketà te mepurù tew. Midrudsù se kebpenurù din diyà te lusud te Geliliya ne neeneb din ke menge inged diyà te lusud te Hudiya taman te ini en te Hirusalim.”

Juan 18:29

Geina te arà ke betasan dan ne midlihawang si Pilatu su edsinuhung kandan ne ke sikandin te, “Engkey ma se id-isuhat niyu ne kukuman kayi te etew ini?”

Juan 18:30

Midtavak ke menge egkeunutan te, “Embiya warà salà din ini ne kenà dey ebpeneheewiten kayi te keykew.”

Juan 19:12

Guna maa su nerineg ni Pilatu arà ne neilut nevenar ke hinawa rin te kebpemengà din te ralan te kebpeliyu din ki Hisus. Ugaid ne mibpemensag maa ke menge Hudiyanen te, “Embiya iyan nu ibpeliyu ini se etew, ne egkunterà ka dut te ratù tew riyà te Ruma ne si Cesar. Su iring kayi ne etew se edatùdatù ne egkunterà ki Cesar.”

Nenged-ulaula 24:13

Tembù be ini se in-isuhat dan kediey ne kenà benar su warà tuus ne igkepekita ran.

Nenged-ulaula 24:5

Iyan dey kebpengkayi ne ebpesebutan dey kenikew te ini se etew ne si Pablo ne mesamuk sikandin su ini se menge baal din se puunan te kegkehuvut dut te menge Hudiyanen te piya endei ebpesinaru sikandin. Su sikandin ke unutan dut te menge etew ne ed-ingaranan te Neserinu su si Hisus ke mibperetiyaya ran ne riyà ebpuun te inged ne Nesarit.

Ruma 13:7

Arà be ne ebayaran tew ke langun ne edsusunsusun ne ebuwisan tew. Ne ed-edatan tew nevenar ke menge kumekamal dut te inged tew su ini ke dait ne ed-ul-ulaan tew.