Lucas 21:3 - Ke meupiya ne tudtul mekeatag ki Hisu Kristu

³ Nekita rin ini ne migkahi en sikandin kayi te menge ruma rin te, “Benar ini se egkehiyen ku keniyu, ini se valu ne meritan diyà te etuvangan te Eleteala ne iyan pà dekelà se imbehey rin dut te langun ne imbehey te menge kewasa.

Lucas 21:3 ပူးပေါင်းရင်းမြစ်များ

Lucas 12:44

Idtarem ku keniyu,” ke si Hisus, “ini se edsugsuhuen ne ebpekemalen ne midtuman te langun ne insarig kandin, ne sikandin en se ebpekekamal dut te langun ne kearen te ebpengemuney kandin.

Lucas 21:2

Nekita rin dema ini se senge etew ne balu ne meritan ne ayuayu nevenar ne ed-ulug te deruwa ne tumbaha.

Lucas 21:4

Su ke ruma ne menge etew ne iyan dan imbehey ne sawad dà dut te kekewesai ran, ugaid ne ini se ayuayu ne valu ne imbehey rin en te Eleteala ke namànamà ne kureta rin ne edserihan te hinawa rin.”

Lucas 4:25

Benar ini se egkehiyen ku keniyu, iring ini se ed-ul-ulaan niyu guntaani rut te timpu rengan ne biviyag pà si Elias ke mibpelambas te Lalag te Eleteala. Su nekedtetelu ne rahun wey enem ne vulan ne warà uran, ne nesuhat te bitil ke langun ne inged din, ne merakel se menge ruma tew ne Hudiyanen ne nevalu ne meritan ne ebpengerehenan ketà te bitil.

Lucas 9:27

Tentenuri niyu ini, ruen ruma tew kayi ne kenà pà ebpatey taman ketà te hewii ne egkekita ran ke Kedetui te Eleteala rut te menge etew.”

Nenged-ulaula 10:34

Migkahi si Pedro te, “Netuenan ku en ne benar te warà misan engkey ne etew ne ibpeuna te Eleteala

Nenged-ulaula 4:27

Is, Eleteala,” ke sikandan, “ini se impekahi nu ki David dengan ne netuman en su nevurun en ke menge Hudiyanen wey ke kenà menge Hudiyanen diyà te engki Hirudis wey si Gubinedur Punsiyu Pilatu kayi te inged ne Hirusalim su neseveka ran en ne egkunterà ki Hisus, ini se sugsuhuen nu ne meputì nevenar se atey rin, ini se Impasad nu ne Ebperetuen te langun.

2 Kurintu 8:12

Embiya dekelà se hinawa niyu te kebehey niyu te tavang ne endei rà se taman ne egkegaga ne arà dà ke ibehey niyu ne igkehalew te Eleteala. Su kenà din ebuyuen keniyu ke kenà niyu igkevehey, ugaid ne iyan din ebuyuen ne endei rà se egkegaga niyu te ebehey.