Lucas 21:23 - Ke meupiya ne tudtul mekeatag ki Hisu Kristu

²³ Egkeyruwan ke menge meritan ne mehingey te arà ne hewii wey ke menge meritan ne edseruru. Su ruen kemeresayan ne ebpekedabak kayi ne inged, ne ed-isuhaten en te Eleteala te kegkeepes din ke menge Hudiyanen ne egkunterà kandin.

Lucas 21:23 ပူးပေါင်းရင်းမြစ်များ

Mateo 21:16

Tembù be migkehiyan dan si Hisus te, “Menu, nerineg nu red ayan se migkahi ran?” “Nerineg ku,” ke si Hisus. “Ne maa, warà niyu bes mevasa ke impesurat ne Lalag te Eleteala ne egkahi te, ‘Misan ke deisek ne menge vatà ne mibpenurù te Eleteala te edeyù kandin.’ ”

Mateo 21:41

Midtavak dan te, “Ebeyaan din arà se menge meraat ne etew ne ebpengimetayan din ne ebpekemalan din te ruma ne etew ne ebehey kandin te umun din ke egkeuma te kedsebpet.”

Mateo 21:44

Ne geina te siaken ini se segkad ne egkerupet ke langun ne egkeulug ketà, ugaid ne egkepipinì ke langun ne egkepilayan din.]”

Mateo 24:19

Ne egkeyruwan ke menge meritan ne mehingey te arà ne hewii wey ke menge meritan ne edseruru.

Marcos 13:17

Ne egkeyruwan ke menge meritan ne mehingey te arà ne hewii wey ke menge meritan ne edseruru.

Lucas 19:27

Na ini se menge etew ne egkunterà kedì su kenà dan egkiyug ne edatù a kandan, ne ipepengkayi niyu ne imetayi niyu kayi te etuvangan ku.’”

Lucas 19:43

Duen gewii ne egkeumaan kew te menge kunterà ne edtengkalen kew nikandan wey edtelikupan kew ne warà en iya egensik.

Lucas 23:29

Su ruen hewii ne egkeuma,” ke si Hisus, “ne egkahi ke menge etew te, ‘Meupiya ke meritan ne kenà ed-anak, ke meritan ne warà med-anak, wey ke meritan ne wara edseruruwen din!’

1 Kurintu 7:26

Embiya iyan ta ed-intengan ke egketemanan dut te sikitew ne mibperetiyaya ne merakel se kemerehenan ne ibpevayà ta, ne iyan pà tumù ne kenà ed-esawa.

1 Tiselunika 2:16

Su ibpeengked dan perem ke kebpemesabut dey te Meupiya ne Tudtul mekeatag ki Hisus dut te menge etew ne kenà Hudiyanen su apey egkepeneheewit dan te kebpekeliyu ran. Tembù be mid-umanan ke salà dan taman te neuma ke edtemanan din. Ne nekeuma en ke epes te Eleteala kandan!

Hibruhanen 13:16

Ne kenà niyu lipati ke meupiya ne ulaula niyu rut te menge ruma niyu wey ke kebpetebtevangey niyu su ini ne timbang te ibehey niyu te Eleteala ne ebpekesuhat te hinawa rin.

Santiago 5:1

Na sikiyu ne menge kewasa, pemineha niyu ini se egkehiyen ku. Peninehew kew wey penderawit kew su ke kemerehenan ne ebpekeuma keniyan te keniyu ne rekelà.

1 Pedro 4:17

Su iyan kedtuhut te Eleteala ne egkerasey ki su ini en ke hewii ne edrudsù ke Eleteala te egkukum dut te menge etew ne iyan ed-unaan ke menge etew ne eduma kandin. Ne embiya iring ketà se egketemanan te sikami ne menge anak din ne iyan pè be kenà merasey ke egketemanan dut te menge etew ne kenà ebperetiyaya te Meupiya ne Tudtul te Eleteala.