Lucas 21:22 - Ke meupiya ne tudtul mekeatag ki Hisu Kristu

²² Su arà en ke hewii ne edusaan te Eleteala ke menge etew ne egkunterà kandin, ne langun te nekahi rin kayi te impesurat ne Lalag te Eleteala rengan ne egketuman en.

Lucas 21:22 ပူးပေါင်းရင်းမြစ်များ

Mateo 1:22

Langun kayi ne ned-ulaula su apey metuman ke impekahi rengan te Kerenan dut te ebpelambas te lalag din ne egkahi te,

Ruma 2:5

Ugaid ne sikiyu, ne warà kew mebpedsendit su meresen se ulu niyu. Tembù be ed-iseg pà se kevahat din te idusa keykew te Eleteala ketà te hewii ne ibpayag din ke kegkeepes din, ne arà ded ne hewii ne egketuenan te kegkukum din ne metidtu.

2 Pedro 2:9

Ne iring te kebpeliyu te Eleteala ki Lut se ed-ul-ulaan te Eleteala dut te menge etew ne eduma kandin su metau sikandin te ibpevayà din te kedtavang kandan ketà te keresayan dan. Ne ini se menge etew ne kenà eduma kandin, ne impenehana en ke kedusa rin kandan ketà te Hewii ne Egkukum kandan.

2 Pedro 3:7

Ne kayi te Lalag te Eleteala rema ne ebpesebutan din te ebpeiseg pà ini se langit wey tanà ne egkekita ta guntaani taman te edereetan din ketà te akir din ne hewii, ugaid ne kenà wayig su apuy se idsuhù din ne ederaat. Ne edereetan din iya ke menge etew ne ed-ulaula te meraat, ne idtehaad din dà ke ebpekeuma ke hewii te kegkukum din kandan.