Lucas 21:20 - Ke meupiya ne tudtul mekeatag ki Hisu Kristu

²⁰ Ne migkahi en maa si Hisus te, “Embiya egkekita niyu en ini se inged ne Hirusalim ne edtelikupan en te kunterà niyu ne sundaru ne kenà kew en duwaruwa te mehaan en se kegkereeti rin.

Lucas 21:20 ပူးပေါင်းရင်းမြစ်များ

Mateo 24:15

Ne migkahi pà maa si Hisus te, “Ruen migkahi ni Daniel rengan, senge etew ne mibpelambas te Lalag te Eleteala, te ruen ebpekeuma ne ‘Ebpekekaid’ ne ebpekelusud diyà te Nekebpuru ne Valey te Eleteala su edsevuen din ke ed-edatan. (Sikiyu ne ebpekevasa kayi te insurat din ne pegpegitunga niyu ke meana rin.)

Marcos 13:14

Ne embiya egkekita niyu en ini se “Ebpekekaid ne Kunterà ku” diyà te lusud te Nekebpuru ne Valey te Eleteala ke warà iluhut kandin, ne sikiyu riyà te pruvinsiya te Hudiya ne pelahuy kew riyà te buvungan. (Sikiyu ke ebpekevasa kayi ne pegpegitunga niyu ke meana rin ini.)

Lucas 19:43

Duen gewii ne egkeumaan kew te menge kunterà ne edtengkalen kew nikandan wey edtelikupan kew ne warà en iya egensik.

Lucas 21:7

Ne mid-insaan dan si Hisus te, “Meyterù, keenu ve ini egketuman se kegkerundus dut te Nekebpuru ne Valey te Eleteala? Ne engkey se idtuus dey su apey rey egketueni te mehaan en ini egketuman?”

Hibruhanen 11:30

Ne sabap dut te kedsarig dan dema te Eleteala ne ke kutà ne nekelingut dut te inged ni Hiriku, ne menge kunterà dan, ne nehuvar arà su midtuman dan ke nekahi te Eleteala te ebpelinguten dan ketà se inged taman te pitu ne hewii.

Hibruhanen 12:1

Ne sikitew ke edsarig te Eleteala, ne ini se keduma tew kandin kayi te ampew te dunya ne ebpekeiring te egkuya ki te ebpelelahuy. Ne ke merakel ne menge mibperetiyaya rengan se mibpesabut kenitew te egkeserihan nevenar ke Eleteala, ne iring te sikandan ke edtengteng kenitew kayi te kegkuya tew. Tembù be ed-engked kiyu en iya te piya engkey en ne ebpekeungen dut te keduma tew te Eleteala, ne ed-engked kiyu te piya engkey en ne meraat ne ulaula ne ebpengunguripen kenitew. Uya, ed-engkeran tew ke langun ne ebpekevangen kenitew su apey meabet se kebpelelahuy tew taman dut te edtemanan.