Lucas 21:12 - Ke meupiya ne tudtul mekeatag ki Hisu Kristu

¹² “Ugaid ne kayi te kenà pà ini egketuman, ne edsigkemen kew ne edreseyen kew ran. Ne ibpepemenayik kew riyà te baley ne ebpengedian te menge Hudiyanen te penduan dan su egkukumen kew ne ebilengguen kew en. Ne ebpeneheewiten kew riyà te menge harì wey riyà te egkeunutan te inged su atag dut te kedsarig niyu kediey.

Lucas 21:12 ပူးပေါင်းရင်းမြစ်များ

Mateo 22:6

ne ruma pà dut te neinggat te datù ne migawed dut te menge edsugsuhuen din ne mibedasan ne mid-emetayan dan.

Mateo 24:8

Ugaid ne rudsuan dà ini dut te keresayan ne egeramen niyu, iring dut te belilit te meritan ne ed-anak.

Lucas 21:11

Ne edlinug te mevaher, ne ruen mepmepasang ne bitil wey ruen sakit ne ed-eneb kayi te piya endei ne inged. Ne ruen egked-ulaula ne mekeandek nevenar wey ruen dekelà ne tuus ne egkekita niyu riyà te langit ne ebpekeinuinu wey ebpekeandek.

Juan 15:20

Tentenuri niyu iya ke migkahi ku te, ‘Warà uripen ne iyan en mepurù dut te ebpengunguripen kandin,’ ” ke si Hisus. “Ne embiya midrasey a ran, ne iyan kew pè be kenà resaya ran. Embiya midtuman dan ke penurù ku, ne edtuman dan dema dut te penurù niyu.

Juan 15:21

Iyan dan kedresaya keniyu ne sabap dut te kebperetiyaya niyu kediey su warà dan metueni ke Eleteala ne midsuhù kedì.

Nenged-ulaula 22:30

Ne ketà te neketundug ne hewii ne midtawag dut te mepurù te menge sundaru ini se menge mepurù te terebpelengesa wey langun ne menge Perekukum su edsumeriyaan dan si Pablo apey rin metueni ke engkey se id-isuhata kandin dut te menge Hudiyanen. Dutun ne mid-ewit din si Pablo ne impeetuvang kandan.

Nenged-ulaula 5:40

Impelusud dan en maa ke menge kedserihan ne impelambit dan sikandan. Ketà ne imbaag dan en maa kandan te kenà dan en ebpekelalag mekeatag dut te ngaran ni Hisus, ne impeliyu ran en.

Nenged-ulaula 8:3

Ne si Saulo ini, ne mibpekesekitan din ke menge etew ne mibperetiyaya ki Hisus su apey ran egkereeti perem. Su midsihid sikandin diyà te menge valey ne midlusud ne miguyud din ke menge meama wey meritan ne mibperetiyaya ne mibilanggù din.

Nenged-ulaula 9:4

Nepiley sikandin ne ruen suwara ne nerineg din ne egkahi te, “Ey Saulo, Saulo, meambe ke ebpekesekitan a nu?”

1 Pedro 2:13

Na geina te mibperetiyaya ki ki Hisus, ne eduma kiyu te menge ureding dut te menge egkamal keytew. Ebperumaruma ki rut te piya engkey en ne ebpengulu te inged tew.

Imperayag 2:10

Kenà kew meandek dut te keresayan ne mehaan en ne ebpekeuma keniyu. Ugaid ne pemineha niyu ini se egkehiyen ku su ruen keniyan te keniyu ne ebilengguen dut te datù te pekaid su ebpenggeraman din ke kebperetiyaya niyu, ne edresayen kew te mehaan iring te menge sepulù ne hewii. Ugaid ne kenà kew edlekà te kebperetiyaya niyu kediey misan ibpatey niyu pà su ruen lalew ne ibehey keniyu ne umur ne warà edtemanan din.