Lucas 20:36 - Ke meupiya ne tudtul mekeatag ki Hisu Kristu

³⁶ Iyan dan kenà kebpees-eseweey ne iring dan en te suluhuen te Eleteala ne kenè en ebpatey. Menge anak dan en te Eleteala su nevanew ran en.

Lucas 20:36 ပူးပေါင်းရင်းမြစ်များ

Mateo 22:30

Su ketà te hewii ne kegkevanew te menge minatey, ne warà en kebpees-eseweey su iyan dan en egkeiringan ke menge suluhuen te Eleteala riyà te langit ne kenà ebpees-eseweey.

Marcos 12:25

Su ketà te hewii ne egkevanew ke menge minatey ne warè en kebpees-eseweey su iyan dan en egkeiringan ke menge suluhuen te Eleteala riyà te langit ne kenà ebpees-eseweey.

Ruma 8:16

Su ke Kedesenan ne Ebpetuntul te Menusiyà se ebpesabut dut te hinawa tew te sikitew ne menge anak ki en te Eleteala.

1 Kurintu 15:26

Ne ketà te edtelawen en ni Hisu Kristu ke langun ne menge kunterà din, ne ke mewri ne id-awà din ne ke kemetayen.

1 Kurintu 15:42

Ne engketà be rema te kebanew rut te Eleteala te menge minatey ne egkesembian ini se lawa ta. Su ke lawa ta kayi te ampew te dunya ne ebpatey ne idleveng. Ugaid ne ke lawa ne ebenawen te Eleteala ne kenà en ebpatey.

1 Kurintu 15:49

Gewii te kayi ki pà te ampew te dunya ne ke lawa ta ne iring dut te lawa te neuna ne etew ne iyan din limbahan se tanà. Ugaid ne egkeuma arà se hewii ne ke lawa ta ne ebpekeiring te lawa ni Hisus, ke riyà ebpuun te langit.

Pilipus 3:21

Ne ketà te kedlived din, ne ebeluyen din ke lawa tew ne ebpatey iring dut te lawa rin ne kenà ebpatey. Egkegaga rin te ed-ulaula ini ibpepevayà dut te gehem din te ebayàbayà dut te langun taman.

Imperayag 20:6

Ne ke langun ne menge etew ne neamung te neuna ne kebanew te Eleteala dut te menge minatey, ne egkehalew ran nevenar wey ebpeneuven dan. Su sikandan ne kenà dan en ebpekeamung dut te ikeruwa ne kemetayen te menge etew ke in-upama te kedusa te Eleteala te menge etew diyà te apuy nerakà. Ugaid ne sikandan ne menge terebpelengesa te Eleteala su apey egelevek dut te egkiyuhan te Eleteala wey si Hisu Kristu, ne edatù dan dema duma ki Hisus lusud te sengivu ne rahun.

Imperayag 21:4

Ne id-awà din ke kedsinehew ran su warè en ebpatey. Ne warè en kemutuwan dan, ne warà kebpekesinehew ran. Ne warè en dema keresayan dan su neawà en arà se raan ne kelibutan.”

Imperayag 22:9

Ugaid ne midawey a nikandin se egkahi te, “Kenà ka ebpengarap kediey. Su siaken ne seveka ne sugsuhuen te Eleteala iring keykew wey ke menge ruma nu ne ebpelambas te Lalag te Eleteala wey iring dut te langun ne eduma rut te insurat kayi te ini se riberù. Iyan dait ne ebpengerapan nu ne ke Eleteala rà.”