Lucas 20:24 - Ke meupiya ne tudtul mekeatag ki Hisu Kristu

²⁴ “Peintenga a niyu kun te pelatà.” Ne mid-insà sikandin te, “Entei ki tuluran kayi? Ne enta ki ngaran kayi?”

Lucas 20:24 ပူးပေါင်းရင်းမြစ်များ

Mateo 18:28

“Guna su mid-ipanew en ini se edsugsuhuen ne nesinuhung din en ke ruma rin te edsugsuhuen ne nekeutang kandin te deisek dà. Ne migeweran din en su ebpekelen din en se egkahi te, ‘Beyari nu en ke utang nu kediey!’

Mateo 20:2

Guna su ruen en nekita rin ne in-upakat din en te edsukeyan din te senge elad ne pelatà su arà ke nelayaman ne sukey te senge hewii, ne pinehelevek din en kayi te pemulaan din.

Mateo 22:20

ne migkahi sikandin te, “Engkey ki paras wey ngaran kayi?”

Marcos 12:16

Impekita ran kandin ke pelatà ne migkahi sikandin te, “Engkey ki paras wey ngaran kayi?” Midtavak dan te, “Paras wey ngaran dut te ratù tew kayi te inged ne Ruma.”

Lucas 2:1

Guna su iyan pà mepurù si Agustu rut te inged ne Ruma ne ruen suhù din te langun te menge etew ne ed-ubpà kayi te menge inged ne egkekemalan din ne ebpesurat te ngaran dan.

Lucas 20:22

Tembù be ruen id-insà dey keykew. Maa ebpekerimpas kiyu ve dut te penduan tew embiya ebayad ki te buwis diyà te ratù tew te inged ne Ruma etawa kenà?”

Lucas 20:23

Ugaid ne netuenan en ni Hisus ke lakew te ked-insà dan su edselingkepen dan dà sikandin ne migkahi en sikandin te,

Lucas 20:25

Ne midtavak dan te, “Tularan wey ngaran dut te ratù tew kayi te inged ne Ruma.” Ne migkehiyen ni Hisus sikandan te, “Embiya iring ketà ne ivehey niyu diyà te datù ayan se bayad te buwis ne kandin, ne ivehey niyu riyà te Eleteala ke endei rema ke kandin.”

Lucas 23:2

Nekeuma ran ne imperineg dan ki Pilatu ke id-isuhat dan kandin se egkahi te, “Nesepenan dey ini se meama ne ebpesuwey rut te menge etew kayi te inged tew su impeengked din ke menge etew ne ebayad te buwis diyà te mepurù tew ne si Cesar. Ne migkahi rin te sikandin kun ke midtendù te Eleteala ne ebperetuen.”

Lucas 3:1

Midsahadsahad en se menge rahun ne ini en ke ikesepulù en wey lelima ne rahun te kegkamal ni Tibiriyu rut te inged ne Ruma. Si Punsiyu Pilatu se midtendù din ne gubinedur dut te pruvinsiya ne Hudiya, si Hirudis se migkamal te pruvinsiya ne Geliliya, ne ke ari rin ne si Felipe se migkamal te menge pruvinsiya te Ituriya wey Terekunita, wey iyan migkamal te pruvinsiya te Ebeliniya ne si Lisanyas.

Nenged-ulaula 11:28

Ruen senge etew kandan ne ed-ingaranan ki Agabu ne mid-itindeg su igkahi rin neraan ini se impesabut kandin dut te Kedesenan ne Ebpetuntul te Menusiyà. Iyan din migkahi te ruen mepasang ne bitil ne ebpekeuma kayi te langun ne inged te ampew te dunya. (Nekeuma ini se mepasang ne bitil te gewii te si Claudio se egkamal te inged ne Ruma.)

Nenged-ulaula 26:32

Ne migkehiyan ni Egeripa si Pistu te, “Embiya warà din buyua te iyan egkukum kandin ke Datù tew diyà te inged ne Ruma ne egkepakey ne ebpekeliyu en sikandin dut te bilengguan.”

Pilipus 4:22

Langun ne menge sakup te Eleteala kayi te inged ne Ruma labi en ke menge suled tew ne egelevek kayi te turuhan ni Caesar ke datù kayi ne langun dan se ebpenginginsà keniyu rema.