Lucas 2:36 - Ke meupiya ne tudtul mekeatag ki Hisu Kristu

³⁶ Ne ruen dema meritan ne mibpelambas te Lalag te Eleteala ne ed-ingaranan ki Ana, anak ni Panuwil, ne kevuwaran ni Asir. Lukes en nevenar ini se meritan ne nekeesawa taman te pitu rà ne rahun

Lucas 2:36 ပူးပေါင်းရင်းမြစ်များ

Lucas 2:35

Ne kayi te menge ulaula ran ne egkepeyahan ke intahù te itungan dan, ini se itungan dan ne in-eles dan dut te ruma ran. Ne sikuna, Maria,” ke si Simeon, “ne egkerupet se hinawa nu iring te nesuhat ka te meharang ne sundang.”

Lucas 2:38

Neseretaan dema sikandin te kinepeneheewit dut te vatà kayi te Nekebpuru ne Valey te Eleteala ne mid-uvey sikandin engki Maria ne mideyù ke Eleteala mekeatag ketà te vatà. Ne igenat ketà ne impesabut din en mekeatag kayi te vatà diyà te langun ne ebpenareng te Eleteala te kebpekepeliyu te menge kevuwaran ni Israyil.

Nenged-ulaula 2:18

Uya,’ ke se Eleteala, ‘iring din ded dema ke menge sugsuhuen ku, ne menge meama wey meritan, ne ibpelumun ku kandan ke Kedesenan ne Ebpetuntul te Menusiyà ketà keuremà, ne ibpesabut dan te menge etew ini se lalag ku.

Nenged-ulaula 21:9

Ne ruen epat ne menge anak din ne raha ne mibehayan te Eleteala te helevek te ebpayag dut te Lalag te Eleteala diyà te menge etew.

1 Kurintu 11:5

Ugaid ne embiya ruen meritan ne ebpengeningeni etawa ebpenudtul te impesabut kandin te Eleteala, ne medtutungatub sikandin. Su embiya kenà ne nepegkeyà din su warà adat din te esawa rin ne ebayàbayà kandin. Su mekeyeyà ke meritan ne kenà edtutungatub su iring dut te meritan ne mibpetevungew.

1 Kurintu 12:1

Na menge suled, ruen ini egkehiyen ku mekeatag te ruma ne insà niyu kediey, su kiyug ku ne egketuenan niyu mekeatag te menge ketau ne ibehey rut te Kedesenan ne Ebpetuntul te Menusiyà.

1 Timoteo 3:2

Ugaid ne ke etew ne ebpeneheewit te menge mibperetiyaya ki Hisus ne iyan din kemeyidan ne warà ulaula rin ne meraat ne igkesawey kandin, ne seveka rà se esawa rin. Iyan din kemeyidan ne kenà mekalas se kebpenunuen din te keuyahan, ugaid ne erangan se ed-ul-ulaan din su apey langun ne ulaula rin ne meupiya. Iyan din kemeyidan ne mesakew te piya engkey en ne etew, ne metau sikandin ne ebpenurù.

1 Timoteo 5:9

Ne embiyà idsurat nu ke menge valu ne meritan ne ebpeketavang dut te menge mibperetiyaya, ne iyan nu rà isurat ke menge valu ne labi enem nepulù se rahun din ne keseveka rà mekesawa.

Imperayag 7:6

Ne sepulù wey deruwa nengivu ne menge etew riyà te inenakan ni Asur, ne sepulù wey deruwa nengivu ne menge etew riyà te inenakan ni Neptali, ne sepulù wey deruwa nengivu ne menge etew riyà te menge inenakan ni Manasis,