Lucas 2:29 - Ke meupiya ne tudtul mekeatag ki Hisu Kristu

²⁹ “Is Kerenan, midtuman nu en iya ke impasad nu kedì. Ne misan keenu nu ebugkuta se niyawa ku ne egkepakey en, su mibmelintad en se hinawa ku.

Lucas 2:29 ပူးပေါင်းရင်းမြစ်များ

Lucas 2:26

Ne daan en ne mibpeketuenan kandin dut te Kedesenan ne Ebpetuntul te Menusiyà te kenà pà ebpatey sikandin taman te kenà din mekita ke Mesiyas arà se Impasad te Eleteala ne Kerenan dengan ne Ebperetuen te langun.

Lucas 2:28

Ne midsepipi ni Simeon ke vatà ne mideyù en te Eleteala se egkahi te,

Pilipus 1:23

Su iring te nevaad se hinawa ku, su ruen arà se egkesuat ad ne ed-awà kayi te ampew te dunya ne ebpekiduma en ki Hisu Kristu su arà en iya ke meupiya te langun.

Imperayag 14:13

Ne ketà ne ruen suwara diyà te langit ne nerineg ku ne edlalag kediey ne migkahi te, “Isurat nu ini: Igenat guntaani ne egkehalew ke menge etew ne ebpatey embiya mibperetiyaya en ki Hisus ke Kerenan. “Benar iyan,” ke migkahi te Kedesenan ne Ebpetuntul te Menusiyà. “Egkehalew ran su ebpekeimeley ran dut te mepasang ne helevek dan su ruen lalew ran dut te meupiya ne mid-ulaula ran.”

Imperayag 6:10

Ne mibpemensag dan langun se egkahi te, “Sikuna rà ke Kerenan ne dekdekelà se gehem din, ne langun ne ed-ul-ulaan nu ne metidtu ne egkeserihan ka. Engkey se keuhet din se kedtahad dey te kedsulì nu te menge etew kayi te dunya atag dut te ked-imatey ran kenami? Keenu nu edusaa sikandan te ked-imetayi ran kenami?”