Lucas 2:27 - Ke meupiya ne tudtul mekeatag ki Hisu Kristu

²⁷ Ketà te hewii ne mibpeneheewit dut te lukes din si Hisus te edlusud kayi te Nekebpuru ne Valey te Eleteala su edtumanen ini se nekahi rut te penduan ne ketà en te lusud si Simeon su impelusud sikandin dut te Kedesenan ne Ebpetuntul te Menusiyà.

Lucas 2:27 ပူးပေါင်းရင်းမြစ်များ

Mateo 4:1

Ne ketà ne mid-ewit en si Hisus dut te Kedesenan ne Ebpetuntul te Menusiyà diyà te tanà ne kenà egkeubpaan te menge etew su ebpenggeraman dut te datù te pekaid.

Lucas 2:22

Neuma ke hewii ne edtumanen ni Jose ki Maria ini se betasan dan te ebehey te ibpelengesa riyà te Nekebpuru ne Valey te Eleteala riyà te Hirusalim su edumaan dan ke penduan ne intahak ni Moises rengan mekeatag te meritan ne behu pà ne mid-anak. Ne mibpeneheewit dan ke vatà diyà te Hirusalim su apey ran idtepeney te Eleteala.

Lucas 2:28

Ne midsepipi ni Simeon ke vatà ne mideyù en te Eleteala se egkahi te,

Lucas 2:41

Uman rahun ne ebpendiyà ke lukes ni Hisus te Hirusalim su edtelavuk te Pista te Kedsehari te Suluhuen te Eleteala dut te menge apù dan dengan.

Lucas 2:48

Nekita rà dut te menge lukes din ne neinuinu ran nevenar ne migkahi ke iney rin kayi te ki Hisus te, “Anak ku, maan ke mid-ulaula nu ini kenami? Neipeng-ipeng key te amey nu se ebpemengà kenikew.”

Lucas 2:51

Ne miduma en si Hisus kandan te ed-ulì diyà te Nesarit ne mibperumaruma sikandin kandan. Ne si Maria mulà ne intahù din langun ini te itungan din.

Lucas 4:1

Guna su nebunyehan en si Hisus diyà te wayig te Hurdan, ne mid-awà dutun ne midlumunan nevenar dut te Kedesenan ne Ebpetuntul te Menusiyà ne mid-ewit en sikandin diyà te tanà ne kenà egkeubpaan te menge etew.

Nenged-ulaula 10:19

Kemulu pà ne ebpegitungen ni Pedro ke engkey se meana dut te impekita kandin. Ne migkehiyan sikandin dut te Kedesenan ne Ebpetuntul te Menusiyà te, “Duen tetelu ne etew ne ebpemengà keykew.

Nenged-ulaula 11:12

Ne migkehiyan a rut te Kedesenan ne Ebpetuntul te Menusiyà te ibperuma a ne kenà a meuru te kenà dan Hudiyanen. Ne ruen miduma kedì ne enem ne etew ne mibperetiyaya ki Hisus ne menge ruma ku diyà te inged ne Hupa. “Guna su nekeuma key riyà te Sisariya,” ke si Pedro, “ne midlusud key en diyà te baley rut te Kepitan ne si Cornelio.

Nenged-ulaula 16:7

Guna su nekeuma ran diyà te eletan te inged te Misiya ne edlaus dan perem diyà te pruvinsiya te Bitaniya, ugaid ne warà dan tuhuti dut te Kedesenan ne Ebpetuntul te Menusiyà ne ebpuun diyà te ki Hisus.

Nenged-ulaula 8:29

Ne migkehiyan rutun si Felipe dut te Kedesenan ne Ebpetuntul te Menusiyà te, “Uvey ka ketà te kerumata rin.”

Gelasiya 4:4

Ugaid ne wey mekeuma ke hewii ne mibpetedtavan te Eleteala rengan, ne midsuhù din ke Anak din kayi te ampew te dunya ne pinebaluy ne etew. Su ibpeanak din si Hisus te senge etew ne meritan ne Hudiyanen ne miduma sikandin dut te penduan te menge Hudiyanen ne intahak ki Moises

Imperayag 1:10

Ne ketà te hewii ne edeyù ki te Kerenan, ne midlumun kediey ke Kedesenan ne Ebpetuntul te Menusiyà ne ruen merahing ne suwara ne nerineg ku diyà te iniyuhan ku ne iring te dahing te budyung.

Imperayag 17:3

Dutun ne midlumunan a dut te Kedesenan ne Ebpetuntul te Menusiyà ne mid-ewit a rut te suluhuen te Eleteala diyà te tanà ne kenà egkeubpaan te etew. Ketà ne ruen nekita ku ne meritan ne ed-untud te merihà ne binatang, ne pitu se ulu rin ne sepulù ke sidung din. Ne riyà te lawa dut te mekeandek ne binatang ne ruen merakel ne lalag ne insurat ketà ne edsumpalit te Eleteala.