Lucas 19:9 - Ke meupiya ne tudtul mekeatag ki Hisu Kristu

⁹ Ne migkahi si Hisus kandin te, “Sikiyu ne telteleanak kayi ne nekeliyu kew en te kedusa te Eleteala te salà niyu. Ne sikiyu ini ne tuney kew en ne keep-epuan ni Abraham su mibperetiyaya kew en.

Lucas 19:9 ပူးပေါင်းရင်းမြစ်များ

Lucas 13:16

Ne ini se meritan ne kevuwaran dut te keep-epuan tew rengan ne si Abraham ne nekedsepulù en wey walu ne rahun se kinevakù kandin ni Setanas ke ratù te pekaid. Kenà egkepakey ne kenà ed-ekaran sikandin dut te kinekevakù din misan Hewii ne Id-imeley.”

Lucas 13:30

Ugaid ne ruen menge etew guntaan ne mepeembavà se hinawa ran wey ebpesuhùsuhù dan te ruma ran, ugaid ne egkeuma arà se hewii ne sikandan ke mepurù se ketengdanan din. Ne ruen menge etew guntaan ne mepurù se ketengdanen din, ugaid ne egkeuma arà se hewii ne sikandan se pinekemevavà.”

Lucas 16:24

Ne midtawag din en si Abraham se egkahi te, ‘Apù Abraham, ikeyru a nevenar nikuna! Ipepengkayi nu pà si Lazaro su apey rin egkepetihisi ini se bèbà ku te wayig su egkerasey ad nevenar kayi te apuy.’

Lucas 16:30

“Ne migkahi en maa ke kewasa te, ‘Kenà dan ebpemineg ketà, Apù Abraham, ugaid ne embiya ruen minatey ne egkevanew ne ed-ulì diyà te kandan ne arà pà ne ebpemedsendit dan.’

Lucas 2:30

Su nebentangan en iya kayi te mata ku ini se midtendù nu ne ebpeliyu kenami rut te keberedusaan dey.

Lucas 3:8

Embiya benar ne mid-engkeran niyu ke meraat ne ulaula niyu, ne ipekita niyu kayi te ulaula niyu. Ne kenà kew egkahi te sikiyu ne kenà edusaan te Eleteala su kevuwaran kew ni Abraham. Su igkahi ku keniyu,” ke si Juan, “misan ini se menge batu ne egkepebaluy te Eleteala ne etew ne tuney ne kevuwaran ni Abraham ne igkesambì keniyu.

Ruma 4:16

Ketà ne ke impasad te Eleteala ne egketelimà dut te menge etew sabap dà dut te kedsarig ta te Eleteala. Ne iyan din kineulaula ketà ne apey arà ne riyà ebpuun te raat te nanam din ne kenà sabap te nehelevekan ta. Ne kenà ke menge Hudiyanen dà ne eduma te penduan ne ebehayan ini te Eleteala, ugaid ne ibehey rin dema diyà te langun ne menge etew ne mibperetiyaya kandin iring dut te kineperetiyaya ni Abraham su sikandin ke nevaluy ne amey rut te langun tew ne mibperetiyaya.

Gelasiya 3:14

Ibpepevayà te kegaked ni Hisu Kristu te kerusaan ta ne arà se tavang ne impasad te Eleteala ki Abraham dengan ne nekeuma en diyà te langun ne menge etew misan kenà dan Hudiyanen su apey ki ebpeketelimà dut te Kedesenan ne Ebpetuntul te Menusiyà ne impasad te Eleteala dut te langun ne menge etew ne ebperetiyaya.

Gelasiya 3:29

Su embiya tidtu kew ne mibpekidseveka ki Hisus, ne nevaluy kew ne iring te inenaken ni Abraham ne ebpekeamung kew rema te edtelimà dut te impasad te Eleteala kandin.

Gelasiya 3:7

Tembù be netuenan tew te langun ne menge etew ne mibperetiyaya en te Lalag te Eleteala iring ki Abraham, ne sikandan se ebeluyen te Eleteala ne iring te in-enakan ni Abraham su apey ran egkevehayi dut te impasad te Eleteala ki Abraham.

1 Pedro 2:10

Su rengan ne warà key pà mevaluy ne menge etew te Eleteala, ugaid ne guntaani ne menge etew key en nikandin. Rengan ne warà dey pà meherami ke kegkeyru te Eleteala kenami, ugaid ne guntaani ne neheraman dey en.