Lucas 19:47 - Ke meupiya ne tudtul mekeatag ki Hisu Kristu

⁴⁷ Igenat dè be ketà ne uman andew ne ebpenurù sikandin ketà te Nekebpuru ne Valey te Eleteala. Ugaid ne ini se menge mepurù te terebpelengesa te Eleteala, ke menge meyterù te penduan wey ke menge unuten dut te menge etew ne mibpemengà dan te ralan te kegkeimetayi ran ki Hisus.

Lucas 19:47 ပူးပေါင်းရင်းမြစ်များ

Mateo 21:23

Guna su nekeuma ran en maa diyà te Hirusalim, ne midlived en maa si Hisus ketà te Nekebpuru ne Valey te Eleteala. Gewii rin te ebpenurù kayi te lusud ne ruen menge mepurù te terebpelengesa wey menge pekilukesen te Hudiyanen ne mid-uvey kandin ne mid-insaan dan si Hisus te, “Ini se mid-ulaula nu kayi te Nekebpuru ne Valey te Eleteala, engkey se kewagib nu te ed-ulaula te iring kayi? Ne engkey se mibehey keykew te kewagib?”

Mateo 26:55

Ne migkehiyan ni Hisus ke menge etew ne edsigkem kandin te, “Maa, tulisan a ne ebmetereman niyu te sundang wey behuval te edsigkem kediey? Su uman ded ma hewii ne riyan a te Nekebpuru ne Valey te Eleteala se ebpenurù, ne warà e ma nikiyu sigkema ketà.

Marcos 11:18

Guna su nerineg dut te menge mepurù te terebpelengesa wey ke menge meyterù te penduan ini se mid-ulaula ni Hisus ne mibpemengà dan te ralan te kegkeimetayi ran ki Hisus su neandek dan kandin geina te merakel ne menge etew ne negeyip rut te penurù din.

Marcos 12:12

Ne edsigkemen en perem si Hisus dut te menge egkeunutan te menge Hudiyanen su netuenan dan te sikandan ke nesuhat ketà te sempità din. Ugaid ne neandek dan dut te merakel ne etew ne egkiyug ne ebpemineg ki Hisus, ne arà dà ne mid-ewaan dan en sikandin ne mid-ipanew ran en.

Marcos 14:1

Deruwa pà ne hewii ne egkeuma ke kevurunan ne edtenuran tew ne ed-ingaranan te Pista te Kedsehari te Suluhuen dut te menge apù tew rengan wey ke Pista te Kegkaan dan te Pan ne Warà Idsawug ne Ibpelevag. Ne ebpemengà ke menge mepurù te terebpelengesa wey ke menge meyterù te penduan te ralan te kedsigkem dan ki Hisus te kenà egketuenan dut te menge etew apey ebpeimetayan dan en.

Marcos 14:49

Su uman ded ma hewii ne riyan a te Nekebpuru ne Valey te Eleteala se ebpenurù,” ke si Hisus, “ne warà a ma nikiyu sigkema ketà. Ugaid ne egked-ulaula ini su apey egketuman en ke Lalag te Eleteala ne impesurat dengan.”

Lucas 19:48

Ugaid ne warà dan mekevaluy su langun ne menge etew ne egkevenbenaran te penurù din.

Lucas 20:19

Edsigkemen perem si Hisus dut te menge meyterù te penduan wey ke menge unuten te terebpelengesa su netuenan dan te sikandan ke nesuhat te sempità din dut te menge etew ne pinekamal te pemulaan. Ugaid ne neandek dan dut te merakel ne menge etew.

Juan 10:39

Nerineg den dà ke lalag ni Hisus ne edsigkemen dan en maa perem, ugaid ne nekelihawang ma sikandin.

Juan 18:20

Ne midtavak si Hisus te, “Ini se penurù ku ne warà mekeeles su riyà te merakel ne etew. Su riyan a layun mibpenurù te menge valey ne ebpengedian te Hudiyanen te penduan dan wey riyà dema te Nekebpuru ne Valey te Eleteala su arà ke egkevurunan te langun ne menge Hudiyanen. Warà impenurù ku ne nekeeles.

Juan 7:19

Maa, kenà ke apù niyu rengan ne si Moises,” ke si Hisus “ke mibehey keniyu te menge penduan? Ugaid ne netuenan ku te warà seveka rà keniyu ne midtuman dut te penduan din. Ne meambe ke egkiyug kew ne ed-imatey kediey?”

Juan 7:44

Duen ketà egkiyug en ne edsigkem ki Hisus, ugaid ne warà ebpeketikà ne egawed kandin.