Lucas 19:44 - Ke meupiya ne tudtul mekeatag ki Hisu Kristu

⁴⁴ Edereetan dan ke menge valey niyu ne ebeluyan dan ne tapung ke inged niyu su warà seveka rà ne batu ne egketahak dut te netehuan din. Ne langun niyu ne egkeherà. Ini se egketemanan niyu su warà kew medsehipà te ini en ke hewii te kinepepengkayi te Eleteala kedì su apey kew ebpekeliyu.”

Lucas 19:44 ပူးပေါင်းရင်းမြစ်များ

Mateo 24:2

“Uya,” ke si Hisus, “intengi niyu ma ini se rekelà ne valey ne batu ke pengengawid din. Su idtarem ku keniyu te ruen hewii ne egkeuma ne ini se egkekita niyu ne egkerundus ne warà seveka rà ne vatu ne egkesamà su egkevurahey an langun.”

Marcos 13:2

Ne midtavak si Hisus te, “Uya, intengi nu ma ini se rekelà ne valey ne iyan din pengawid ne vatu! Su ruen gewii ne egkeuma ne ini se egkekita niyu ne egkerundus ne warà misan seveka rà ne vatu ne egkesamà su egkevurahey langun.”

Lucas 1:68

“Edeyù kiyu te Kerenan, ke Eleteala tew te menge kevuwaran ni Israyil. Su mibpengkayi sikandin te edtavang dut te sikitew ne menge etew rin, ne ebehey kenitew te kebpekepeliyu kenitew.

Lucas 1:78

Su ke Eleteala tew ne iiruwen wey melimù. Ne ini se kebpeliyu rin kenitew te kerusaan tew, ne iring te kedsilà te andew ne egkesilaan ke kerusireman.

Lucas 19:42

Ke sikandin te, “Embiya perem netuenan niyu rà ke engkey se benar ne kebmetidtu su apey melinew se inged niyu, ugaid ne guntaani ne kenà niyu egketuenan.

Lucas 21:6

“Langun kayi te edtengtengan niyu guntaani ne egkereetan. Su ruen gewii ne egkeuma ne ini se edtengtengan niyu guntaani ne egkerundus ne warà misan seveka rà ne batu ne egkesamà kayi te netehuan din su egkevurahey langun.”

1 Pedro 2:12

Iyan iya se meupiya ke ed-ul-ulaan niyu su apey egkekita dut te menge etew ne warà pà mibperetiyaya. Su misan ke egkehiyen dan ne meraat se ed-ul-ulaan niyu, ne egkekita ran ded te ini se ed-ul-ulaan niyu ne meupiya ne ketà te hewii ne edlived si Hisus kayi te ampew te dunya ne edeyù dan te Eleteala su atag dut te meupiya ne ed-ul-ulaan niyu.