Lucas 19:13 - Ke meupiya ne tudtul mekeatag ki Hisu Kristu

¹³ Ne ketà te warà pà mekehenat ne midtawag din te sepulù ne etew ne edsugsuhuen din ne uman senge etew kandan ne mibehayan din te kureta ne neked-iring ke kerakel din. Ne migkehiyan din sikandan te, ‘Ini se kureta ne idsarig ku keniyu ne sikiyu en se ebpeiseg taman te kenà e pà ebpekeulì.’

Lucas 19:13 ပူးပေါင်းရင်းမြစ်များ

Mateo 25:16

Ini se edsugsuhuen ne nekekuwa te lelima nengivu, ne midahewrahew en migkuwa te dehangan din ne netaman ne nekeuntung en sikandin te lelima pà nengivu.

Mateo 25:20

Nekeuma ini se edsugsuhuen ne midserihan te lelima nengivu ne migkahi te, ‘Kerenan, ini en ke lelima nengivu ne insarig nu kedì, ne ruen pà ini lelima nengivu ne neuntung ku keniyan te kureta nu ne impemuunan ku te kedtitindàtindà ku.’

Mateo 25:22

“Ne midlusud en maa ke edsugsuhuen ne midserihan te deruwa nengivu ne migkahi te, ‘Kerenan, ini en ke deruwa nengivu ne insarig nu kedì, ne ruen pà ini deruwa nengivu ne neuntung ku keniyan te kureta nu ne impemuunan ku te kedtitindàtindà ku.’

Mateo 25:24

“Ne midlusud en maa ke edsugsuhuen ne midserihan te sengivu ne migkahi te, ‘Kerenan, warà ku ipemuunan ke kureta nu te kedtitindàtindà su netuenan ku te mepasang ka ne etew. Ebpepemulaan nu ke menge edsugsuhuen nu su apey ka ebpekekuwa kayi te helevek dan. Ne ed-untung ka te kenà keykew ne helevek ke midtitindàtindà.

Lucas 19:12

Tembù be midsempità si Hisus kandan se egkahi te, “Duen senge etew ne berebansa ne mibpendiyà te meriyù ne inged su edsempayatan te gelal te kegkeratù, ne ketà be te ked-ulì din ne edatù en kayi te inged din.

Lucas 19:14

“Ugaid ne ini se mehinged te inged din ne neepes kandin, ne guna su mid-ipanew sikandin ne ruen midsuhù dan te ebpesabut ketà te etew ne edsempayat te gelal kandin se egkahi te, ‘Kenà key egkiyug ne sikandin se edatù kenami.’

Juan 12:26

Su ke etew ne egkiyug ne eduma te penurù ku,” ke si Hisus, “ne iyan din ibpeuna te hinawa rin te ked-iniyug din te kandin ne kiyug su apey mekeruma kedì, ne piya endei a ne ketà dema ke edsugsuhuen ku. Ne ke etew ne edtuman te penurù ku, ne egkereyù te Amey ku ne Eleteala.”

Gelasiya 1:10

Kenà niyu pegitunga te ruen kiyug ku te edeyuen a te menge etew, su iyan ku kiyug ne ebpekesuhat a te hinawa te Eleteala. Uya, warà te hinawa ku se ebpelimbentuhen a te menge etew, su embiya arà se pegingawà ku ne kenà si Hisu Kristu se perumdumaan ku.

Santiago 1:1

Siaken ini se edsurat ne si Santiago. Sugsuhuen a te Eleteala wey ke Kerenan tew ne si Hisu Kristu. Edsuratan ku sikiyu, ke langun ne menge Hudiyanen ne mibperetiyaya ki Hisu Kristu ne nekesivurak kayi te ampew te dunya ne ebpenginginsà a keniyu.

2 Pedro 1:1

Siaken si Simon Pedro ne edsurat kayi. Sugsuhuen a ni Hisu Kristu wey epustul din dema ne iyan din meana ne kedserihan a nikandin. Edsurat e red maa dut te sikiyu ne menge ruma ta te mibperetiyaya ki Hisus. Ne ini se kebperetiyaya rut te langun tew ne neked-iring su ebpuun ded langun te Eleteala wey si Hisu Kristu ne mibpeliyu keyta. Su sikandin, ne iyan din ed-ul-ulaan ne metidtu, ne warà misan engkey ne etew ne ibpelavi rin.