Lucas 18:7 - Ke meupiya ne tudtul mekeatag ki Hisu Kristu

⁷ Ne menu kenà be edtindeg ke Eleteala dut te kandin ne menge etew embiya ebpengeningeni ran diyà te kandin te merukilem meandew? Maa edlanganlangan pè bè sikandin se edtavang kandan?

Lucas 18:7 ပူးပေါင်းရင်းမြစ်များ

Mateo 24:22

Ugaid ne sabap dut te raat te nanam te Eleteala ne migkurangan din en ke menge hewii rut te kemeresayan su embiya warà, ne warà egkesamà ne biviyag. Uya, su geina ne rekelà te limù din dut te menge etew ne mibpemilì din, ne migkurangan din ke hewii rut te kemeresayan.

Mateo 24:24

Su ruen ebpenlepew ne menge etew ne engkungkun te sikandan ke Impasad te Eleteala ne Ebperetuen etawa sikandan ke ebpelambas te Lalag te Eleteala. Ne ebpekita ran te mekegeyip ne ed-ul-ulaan su apey ran perem meekali ini se menge etew ne mibpemilì te Eleteala.

Mateo 7:11

Sikiyu ne menusiyà ne kenà metidtu ne metau kew ne ebehey te meupiya riyà te anak niyu, na iyan pè be ke Amey niyu ne Eleteala ne riyà te langit kenà mebehey keykew te meupiya embiya ebuyù kew riyà te kandin.

Lucas 11:13

Sikiyu ne menusiyà ne kenà metidtu ne metau kew ne ebehey te meupiya riyà te anak niyu, na iyan pè be ke Amey niyu ne Eleteala riyà te langit kenà mebehey keykew te kedlumun dut te Kedesenan ne Ebpetuntul te Menusiyà embiya ebpembuyù kew riyà te kandin.”

Lucas 2:37

ne nevalu en, ne nekedwalu nepulù en wey epat ne rahun se kegkevalu rin. Warà mid-awà sikandin kayi te Nekebpuru ne Valey te Eleteala. Merukilem meandew ne mideyù din ke Eleteala, ne ruen menge hewii ne kenà sikandin egkaan su apey rin meilut se kebpengeningeni rin te Eleteala.

Lucas 21:28

Embiya edrudsùrudsù en ini se migkahi ku te kegketuman din ne kenà kew kelugkai ugaid ne kehalew kew su mehaan kew en ebpekeliyu.”

Ruma 8:33

Warà etew ne ebpekesumbung dut te sikitew ne mibpemilì te Eleteala, su riyà te etuvangan din ne iyan din kedtengteng keytew ne metidtu.

Kulasi 3:12

Sikiyu ke menge mibpemilì te Eleteala ne nevaluy ne menge sakup din ne igkelimù din nevenar, tembù be iyan niyu ul-ulaa ke ebpekesuhat kandin. Pekita kew te kegkeyru niyu diyà te menge ruma niyu, ne peketulanged kew kandan. Ne kenà niyu ibpeuna ke hinawa niyu, ugaid ne ipeembavà niyu ke hinawa niyu rut te menge ruma niyu apey ran egkekita se keamuk niyu wey kedtigker niyu.

1 Tiselunika 3:10

Ne merukilem meandew ne layun key ebpengeningeni te ebpemekebalak kiyu, su apey rey ed-umani embiya ruen kurang dut te kebperetiyaya niyu.

1 Timoteo 5:5

Ne ini se valu ne meritan ne sebseveka rin su warè en edtuganur kandin, ne Eleteala rà se egkedserihan din ne merukilem meandew ne layun ebpengeningeni sikandin diyà te Eleteala su ebpemuyù te tavang.

2 Timoteo 1:3

Ebpeselamat a te Eleteala atag keykew, Timoteo, te kebpengengeni ku kandin, ne edumaan ku sikandin wey ebpekesuhat kandin iring dut te mid-ulaula te menge apù ku rengan. Uya, merukilem meandew ne idragkes ku sikew te pengeningeni ku.

2 Timoteo 2:10

Ketà be ne edtigkeran ku en ma lavew piya engkey ne egketemanan ku apey ke menge etew ne mibpemilì te Eleteala ne ebpekerineg te lalag din ne egketau te si Hisus ne ebpeliyu kandan, su kiyug ku ne ebpekeliyu ran dema egenat te kebperetiyaya ran ki Hisu Kristu ne ebpeketelimà dan te umur ne warà edtemanan din wey warà pasar din se keupiya rin neraan en ne impenehana te Eleteala kandan.

Tito 1:1

Siaken ini se edsurat ne si Pablo. Sugsuhuen a te Eleteala wey senge etew ne kedserihan ni Hisu Kristu. Nepemilì a ne impeewit ne edtavang te menge etew ne mibpemilì te Eleteala apey egkevaget ke sarig dan wey apey ebpekeiseg ke nesebutan dan mekeatag te tidtu ne penduan dut te peretiyaya tew.

1 Pedro 1:1

Siaken si Pedro ne edsurat kayi. Ne epustul a ni Hisu Kristu ne iyan din meana ne kedserihan a nikandin. Ne idsurat ku ini riyà te keniyu ne menge mibperetiyaya ki Hisus ne nepemilì te Eleteala ne nekesivurak diyà te menge inged ne Puntu, ne riyà te Gelasiya, Kepedusiya, Asiya wey Bitanya.

2 Pedro 3:9

Ne misan egkahi ke menge etew ne edlanganlangan ke Kerenan ne edtuman te impasad din te edlived kayi te ampew te dunya, ne iyan din kenà pà kebpengkayi su ke Eleteala ne mid-inuman din te meadsil mekeatag dut te menge etew. Su iyan din egkiyuhan ne warà seveka rà ne kenà ebpekeliyu rut te kedusa rin, ugaid ne kiyug din ne langun ne menge etew ne ed-engked dut te meraat ne ulaula ran ne ebpeneheewit kandan te kegkereeti ran.

Imperayag 18:20

Ugaid ne sikiyu ne ed-ubpà diyà te langit, ne egkehalew kew su nereetan en ini se inged. Ne egkehalew rema ke sikiyu ne mibperetiyaya te Eleteala wey sikiyu ne menge kedserihan ni Hisu Kristu wey sikiyu ne mibpelambas te Lalag te Eleteala, su midusa en te Eleteala ini se inged atag dut te mid-ulaula rin ne meraat keniyu.”

Imperayag 6:10

Ne mibpemensag dan langun se egkahi te, “Sikuna rà ke Kerenan ne dekdekelà se gehem din, ne langun ne ed-ul-ulaan nu ne metidtu ne egkeserihan ka. Engkey se keuhet din se kedtahad dey te kedsulì nu te menge etew kayi te dunya atag dut te ked-imatey ran kenami? Keenu nu edusaa sikandan te ked-imetayi ran kenami?”

Imperayag 7:15

Tembù be diyà dan ebpekeitindeg te etuvangan dut te ebpinuuwan te edatù, su apey egelevek dan kandin diyà te Nekebpuru ne Valey rin te merukilem meandew. Ne ke Eleteala ne ebpinuu ne edatù se edtuganur kandan.