Lucas 18:42 - Ke meupiya ne tudtul mekeatag ki Hisu Kristu

⁴² Ne migkahi si Hisus te, “Su kenà duwaruwa ke kedsarig nu kediey, ne ebpekeulit en ke kebpekekita nu.”

Lucas 18:42 ပူးပေါင်းရင်းမြစ်များ

Mateo 15:28

Ne migkehiyan ni Hisus ke meritan te, “E, Bayi, mevaher nevenar se kedsarig nu te Eleteala! Ini se mibpemuyù nu ne ibehey ku keykew.” Arà dà ne neulian en ke anak dut te meritan.

Mateo 8:3

Ne midampen ni Hisus sikandin se egkahi te, “Uya, egkiyug a,” ke sikandin. “Meulii ka!” Arà dà ne neawà en ke sakit dut te meama su neulian en.

Mateo 9:22

Midlingì si Hisus ne nekita rin ini se meritan ne migkahi te, “Bayi, kenà ka egkeuru! Neulian ke en su sabap dut te kinesarig nu kediey.” Arà dà ne neulian en ke meritan.

Lucas 17:19

Ne migkahi en si Hisus te, “Itindeg ke en, Mama, ne levundus ke en su ke sarig nu te Eleteala se nekeulì keykew.”

Lucas 18:41

“Engkey ma se ebpetevangan nu kediey?” Ne migkahi ke pisek te, “Meyterù, kiyug ku ne mekekita a red perem!”

Lucas 7:50

Ne migkahi pà maa si Hisus ketà te meritan te, “Nekeliyu ke en te kedusa te Eleteala te salà nu su kenà duwaruwa ke kedsarig nu te Eleteala. Na, ulì ke en, ne menu ma ke edumaan ka te Eleteala!”

Lucas 8:48

Ketà ne migkahi si Hisus kandin te, “Bayi, neulian ke en su sabap dut te kinesarig nu kediey. Ulì ke en be ne barasbaras ka dut te keresayan nu.”