Lucas 18:25 - Ke meupiya ne tudtul mekeatag ki Hisu Kristu

²⁵ Iyan pà melemu ne ebpevayà diyà te vudsi te rahum ini se rekelà ne binatang ne kemilu tumin dè be ke kebpesakup te etew ne kewasa dut te menge etew ne Edetuan te Eleteala.”

Lucas 18:25 ပူးပေါင်းရင်းမြစ်များ

Mateo 19:24

Ne igkahi ku pà lavew keniyu te embiya id-upama ta ne iyan pà melemu ne ebpevayà diyà te vudsi te rahum ini se binatang ne kemilu tumin dè be ke kebpesakup te etew ne kewasa dut te menge etew ne Edetuan te Eleteala.”

Mateo 23:24

Ne iring kew te pisek ne edtuyuk te pisek ded dema! Embiya idsempità ta ne iring te id-awà niyu ke rengit diyà te ed-inumen niyu kayi te betasan niyu te edtuman te kenà utew benar ne penurù te Penduan. Ugaid ne iring te ed-iveleng kew te dekelà ne binatang ne kemilu kayi te warà niyu kedtuman dut te didis en te Penduan.

Mateo 9:5

Endei rapit se melemu,” ke si Hisus, “te egkahi riyà te minatey se lawa rin te, ‘Ke menge salà nu ne nepesehad en’ etawa ve ke egkahi te, ‘Enew ka ne luluna nu ke ikam nu na ipanew ke en’ ”? ke sikandin.

Marcos 10:25

Iyan pà melemu ne ebpevayà diyà te vudsi te rahum ini se binatang ne kemilu tumin dè be ke kebpesakup te etew ne kewasa dut te Edetuan te Eleteala.”

Lucas 18:26

Ke menge etew ne nekerineg kayi ne mid-insà te, “Embiya iring ketà se kerehen din te etew ne kewasa te kebpesakup din dut te menge etew ne Edetuan te Eleteala, ne engkey rè be buwa se ebpekeangkun te umur ne warà edtemanan din?”