Lucas 18:23 - Ke meupiya ne tudtul mekeatag ki Hisu Kristu

²³ Nerineg din dà ke lalag ni Hisus ne neuru nevenar sikandin su kewasa nevenar.

Lucas 18:23 ပူးပေါင်းရင်းမြစ်များ

Mateo 19:22

Nerineg ini rut te kenakan ne mid-ipanew en se merungkug su kewasa nevenar.

Marcos 10:22

Nerineg din dà ke lalag ni Hisus ne mibmerumbahat ke buvuked din ne mid-ipanew en se merungkug su kewasa nevenar.

Lucas 12:15

Ne midlalag en si Hisus ketà te merakel ne etew te, “Uram kew wey inteng kew te ulaula niyu te warà kegkeeram-am niyu. Su ke tidtu ne puunan te kegkeuyag te etew ne kenà diyà te kearen ne egeweran din.”

Lucas 18:22

Nerineg dà ni Hisus ini ne migkahi en sikandin te, “Duen pà lavew kurang nu. Iyan be se ulì ka ne pesaa nu ke langun ne kearen nu ne ipemehey nu ve ke elehà din diyà te menge ayuayu su apey ruen kekewesai nu riyà te langit ne muna pà dut te kearen nu kayi. Ne arà pà ne pengkayi ka te eduma kedì.”

Lucas 18:24

Nekita ni Hisus te neuru ke meama ne migkahi sikandin te, “Merehen nevenar te kewasa ne etew se kebpesakup din dut te menge etew ne Edetuan te Eleteala.

Lucas 19:8

Nekeuma ran diyà te valey ni Sekiyu ne mid-itindeg sikandin ne migkahi diyà te ki Hisus te, “Na, ibehey ku ini se tengà te kekewesai ku diyà te menge etew ne ayuayu. Ne embiya ruen etew ne nelimbungan ku ne ed-ulian ku te keepat egketakep ke nekuwa ku kandin.”

Lucas 21:34

Ne migkahi en maa si Hisus te, “Uram kew ve su apey kenà kew kayi rà egketaman te kebpengevurunan, ebpenginum te ebpeketevereg, wey ke kegkeuru niyu te ked-ubpàubpà niyu. Su embiya kenà kew ed-uram ne egkesaut kew te hewii ne kegkukum te Eleteala te menusiyà ne iring kew te rumat ne egketelebpì.

Lucas 8:14

Ne ke sepinitan ne neuluhan te benì ne arà ke menge etew ne nekerineg te Lalag te Eleteala, ugaid ne gewii ran te ebpetindalan ne merakel se egkubmus dut te lalag ne nerineg dan iring te kemutuwan dan te ked-ubpà-ubpà, ne kegkelilingey ran dut te menge kearen dan, wey ke pegungayà te kebpatà te nanam, ne warà dan en mekeuma te kebehas dan.

Ipisu 5:5

Su tentenuri niyu ve ini su benar, ke etew ne ebpengingniyug, ke etew ne ed-ulaula te temperasà wey ke etew ne egkeeram-am ne kenà ebpekeamung sikandin dut te menge etew ne edetuan ni Hisu Kristu wey ke Eleteala. (Su ke etew ne egkeeram-am, ne arà se kegkeeram-am din se ebpengerapan din ne kenà ke Eleteala.)

Pilipus 3:8

Ne kenà arà dà su langun en ne birang warà en atag din su geina te neimemanan ku en te warà repeng din arà se kedsarig ku ki Hisu Kristu ke Kerenan tew. Su ketà te midsarig ad ki Hisus ne mid-engkeran ku en ke langun ne midumaan ku su timbang ripet ne intimbag en su apey a eduma ki Hisus

Kulasi 3:5

Tembù be engked kew se ed-ulaula te meraat ne ke daan en ne ulaula te menge etew kayi te ampew te dunya iring dut te kebpengingniyug wey langun ne meredsik ne ulaula ne igkesuat te menusiyà. Ne engkeri niyu ne betasan ayan se kegkeima, su embiya kenà niyu ed-engkeran ne ke kearen ne igkesuati niyu ne arà se egkevaluy ne kerenan niyu.

1 Juan 2:15

Kenà niyu ipeuna te hinawa niyu ke meraat ne betasan kayi te ini se dunya etawa ini se igkenuhuni rut te menge etew kayi te ampew te dunya. Su embiya ruen etew ne ini se rekelà te hinawa rin, ne egkekita se warà limù din dut te Amey tew ne Eleteala.