Lucas 18:16 - Ke meupiya ne tudtul mekeatag ki Hisu Kristu

¹⁶ Guna su nekita ini ni Hisus ne midtawag din ke menge vatà ne migkehiyan din ke menge edumdumaan din te, “Kenà niyu dewaya sikandin! Ugaid ne ibpepengkayi niyu te kediey ke menge vatà su ke menge etew ne iring te menge vatà se kedsarig dan kediey ne iyan ebpekeamung te Edetuan te Eleteala.

Lucas 18:16 ပူးပေါင်းရင်းမြစ်များ

Mateo 19:14

Ugaid ne migkahi si Hisus te, “Kenà niyu dewaya sikandan! Ugaid ne ibpepengkayi niyu te kediey ke menge vatà, su ke menge etew ne Edetuan te Eleteala ne iring ke sarig dan kediey kayi te menge vatà ini.”

Lucas 18:15

Na ruen menge etew ne mibpemava te anak dan diyà te ki Hisus su ibperampen dan kandin su ebpepenubtuvaran, ugaid ne midawey ran dut te menge edumdumaan din.

Lucas 18:17

Sebenarvenar ini se egkehiyen ku, ke etew ne kenà edtelimà te Kedetui kandin te Eleteala iring te kedtelimà kayi te reisek ne vatà ne kenà ebpekelusud sikandin dut te menge etew ne Edetuan te Eleteala.”

Nenged-ulaula 2:39

Su ini ke impasad te Eleteala keniyu wey ke menge kevuwaran niyu abpeg te langun ne menge etew ne ed-ubpà diyà te meriyù, langun ne ibpeuvey dut te Kerenan tew ne Eleteala ne eduma kandin.”

1 Kurintu 14:20

Menge suled, kenà niyu ebetaa se kebpegitunga niyu kayi. Iyan niyu rà iringi te kebpegitung te batà ne ke itungan dan ne kenà pà ebpekepesinaru riyà te meraatey ne ulaula. Ugaid ne ke pegitungan niyu mekeatag dut te menge ketau ne riyà ebpuun te Kedesenan ne Ebpetuntul te Menusiyà, ne iyan niyu kebpegitung ne iring te lukes.

1 Kurintu 7:14

Sikiyu ne mibperetiyaya ki Hisu Kristu ne ruen esawa niyu ne warà pà mebperetiyaya ki Hisus, ne riyà te etuvangan te Eleteala ne metilak se kebpekeesawa niyu su sabap te kebperetiyaya nu ki Hisus. Engketà ded dema ke menge anak niyu riyà te etuvangan te Eleteala, su embiya ve kenà metilak se kebpekeesawa niyu riyà te etuvangan te Eleteala ne ke menge anak niyu ne kenà metilak diyà te etuvangan din su iyan dan egkeiringan ne anak dut te warà pà mebperetiyaya te Eleteala.

1 Pedro 2:2

Su embiya iyan ta kiyug ne ed-iseg ini se peretiyaya ta, ne ed-iring ki te deisek ne batà ne layun edsusu su apey edekelà. Ne embiya iring ketà se egkiyuhan ta te ebpengadì ke Lalag te Eleteala ne ebmeilut se kebperetiyaya ta te Eleteala ne mibpeliyu keytew.