Lucas 17:22 - Ke meupiya ne tudtul mekeatag ki Hisu Kristu

²² Ne migkahi en si Hisus kayi te edumdumaan din te, “Duen gewii ne egkeuma ne rekelà se kiyug niyu te metuman ke hewii te edlived ke Impeanak te Menusiyà, ugaid ne kenà pà egked-ulaula.

Lucas 17:22 ပူးပေါင်းရင်းမြစ်များ

Mateo 9:15

Ne midtavak si Hisus te, “Embiya ruen egkewingen, maa edlimpas ves maa te kegkaan ke menge etew ne pinetelavuk te ini pà ke ibpengesawa te kandan? Kenà en iya! Ugaid ne ruen hewii ne egkeuma ne egkeawà ke ibpengesawa diyà te kandan, ne ketà dan pà edlimpas te egkaan.”

Marcos 2:20

Ugaid ne ruen hewii ne egkeuma ne egkeawà ke ibpengesawa diyà te kandan, ne ketà dan pà edlimpas te kegkaan.”

Lucas 13:35

Na guntaan ne ed-ewaan en te Eleteala ke inged niyu. Ne ini se igkahi ku keniyu, igenat guntaani ne kenà a niyu en egkekita taman te egkeuma arà se hewii ne ebpekekahi kew te, ‘Edeyuen tew ini se nekeuma, ne midsuhù te Eleteala ke Kerenan tew.’”

Lucas 5:35

Ugaid ne ruen hewii ne egkeuma ne egkeawà ke ibpengesawa diyà te kandan, ne ketà pà sikandan edlimpas te egkaan.”

Juan 12:35

Ne midtavak ni Hisus te sempità ne, “Ke sulù ne ebpekerayag te itungan niyu ne kayi en te keniyu, ugaid ne kenà en meuhet ne ed-awà. Ne taman te kayi pà te keniyu ke sulù ne rumai niyu su apey kew kenà meuma te merusirem, su ke etew ne ed-ipanew diyà te merusirem ne kenà ebpeketuntul te ibayà din.

Juan 13:33

“Sikiyu se edumdumaan ku,” ke si Hisus, “ne iring te menge anak ku, ne kenè en meuhet ne warà ad kayi te keniyu. Ketà ne ebpemengà kew kedì, ne ini se egkehiyen ku keniyu guntaani ne iring dut te intarem ku rut te menge Hudiyanen te, ‘Kenà kew ebpekependiyà te ebpesineruwan ku.’