Lucas 16:25 - Ke meupiya ne tudtul mekeatag ki Hisu Kristu

²⁵ “Ugaid ne migkahi si Abraham te, ‘Menge anak, tentenuri nu te nekuwa nu en ke langun ne keupiyanan nu te gewii rut te biviyag ke pà, ugaid ne si Lazaro mulà ne neamin-amin din se keresayan. Ugaid ne guntaani ne si Lazaro ne meupiya en se egketemanan din kayi, ne sikuna en se egkerasay.

Lucas 16:25 ပူးပေါင်းရင်းမြစ်များ

Mateo 27:63

ne migkahi kandin te, “Datù, netenuran dey te biviyag pà arà se teruen ne migkahi te, ‘Egkevanew e red ketà te iketelu ne hewii.’

Marcos 9:45

Ne embiya iyan ebpekepeneheewit keykew te kebpekedsalà nu ke paa nu, ne tempera nu! Su iyan pà tumù ne egkesarir ka ne ebpekeangkun ka te umur ne kenà edtaman, tumin dè be ke deruwa red ke paa nu ugaid ne igkeantug ka diyà te apuy nerakà. [

Lucas 16:20

Ne ruen dema senge etew ne ayuayu ne mid-ingaranan ki Lazaro ne nelumbus se lawa rin te padel. Ne uman gewii ne id-ated sikandin te menge ruma rin diyà te pesuran te eheran ketà te kewasa ne meama.

Lucas 16:23

Ne nekependiyà sikandin te apuy ne rakà ne nerasey nevenar sikandin! Ne midlingakà sikandin ne nekita rin diyà te medmeriyà si Abraham. Ne nekita rin dema ketà si Lazaro diyà te uvey rin.

Lucas 16:26

Ne kenà ketà dà taman su ruen egkembusan te tanà keniyan te elet tew, ne misan duen kayi ne egkiyug ne ed-apet keniyan te keniyu ne kenà ebpekeapet. Engketà ded maa ke keniyan te keniyu, kenà dan ebpekeapet kayi.’

Lucas 6:24

Ugaid ne mekeruanduan kew ne menge kewasa guntaan, su nepehinlelawan niyu ke meupiya ne egketemanan niyu kayi.

Juan 16:33

“Langun kayi ne migkahi ku keniyu,” ke si Hisus, “su apey ebmelintad ke hinawa niyu te kebpekidseveka niyu kediey. Su kayi te ampew te dunya ne edresayen kew te menge etew ne ed-engkenà kediey. Ugaid ne misan iring ketà ne kenà niyu ebpilaya ke hinawa niyu, su netalew ku en ke datù te pekaid ne migkamal kayi te ampew te dunya!”

Nenged-ulaula 14:22

Ketà ne menge inged ne impenurù dan se ibpeiseg ke keduma dut te langun ne menge mibperetiyaya ki Hisus ne mibag-et dan ke hinawa dut te menge etew te kenà medlekà dut te peretiyaya ran. Su impesabut dan te, “Ebpevayà ki pà iyan te menge kemerehenan te kenà ki pà ebpekelusud dut te Edetuan te Eleteala,” ke sikandan.

Ruma 8:7

Su ke etew ne iyan netahù te itungan din ke kandin dà ne kiyug ne meraat, ne kunterà sikandin te Eleteala. Su kenà din edumaan ke nekahi rut te penduan te Eleteala, ne iyan benar ne kenà din egkegaga te edtuman.

Pilipus 3:19

Ayan ne menge etew ne iyan dan egketemanan se apuy nerakà, su iyan ebayàbayà kandan ne ke kedtuman dan dut te kiyug te kememenusiyai. Ibpereyùdeyù dan ke ebpekeyeyà kandan, ne iyan dan dà igkeinesa ke egkiyuhan dut te menge etew kayi te ampew te dunya.

1 Tiselunika 3:3

su apey warà keniyu ne ed-engked dut te kebperetiyaya sabap dut te kebpekesekiti keniyu ketà te inged. Su netuenan niyu en te ruen kebpekesekiti keyta ne idtuhut te Eleteala ne ebpekeuma kayi te keyta.

Hibruhanen 11:25

Su iyan din midtumù ne egkerasey sikandin su riyà ded mebpekiduma rut te menge ruma rin ne Hudiyanen, ke menge etew te Eleteala, tumin dè be ke egkeamung-amung sikandin dut te meraat ne ulaula te menge etew te Ihiptu. Su netuenan din ne arà se menge ulaula ne pekerediyaan dà su edsahad dà.

1 Juan 2:15

Kenà niyu ipeuna te hinawa niyu ke meraat ne betasan kayi te ini se dunya etawa ini se igkenuhuni rut te menge etew kayi te ampew te dunya. Su embiya ruen etew ne ini se rekelà te hinawa rin, ne egkekita se warà limù din dut te Amey tew ne Eleteala.

Imperayag 7:14

Ne midtavak a te, “Kenà ku egketuenan, Datù. Ugaid ne kehiya nu su sikuna se netau.” Ne migkahi rin te, “Ini se menge etew ne nekepevayà dan te mepasang ne kemeresayan diyà te ampew te dunya. Ne mibpemìpian dan en ini se menge kumbalà dan dut te lengesa te Nati te Bilibili su apey ran ebmepmeputì, ne iyan din meana ne neawà en ke menge salà dan.