Lucas 16:20 - Ke meupiya ne tudtul mekeatag ki Hisu Kristu

²⁰ Ne ruen dema senge etew ne ayuayu ne mid-ingaranan ki Lazaro ne nelumbus se lawa rin te padel. Ne uman gewii ne id-ated sikandin te menge ruma rin diyà te pesuran te eheran ketà te kewasa ne meama.

Lucas 16:20 ပူးပေါင်းရင်းမြစ်များ

Mateo 26:71

Ne mid-ip-ipanew en sikandin se ebpependiyà te bengawan te lama. Nekita en maa si Pedro te senge etew ne meritan ne edsugsuhuen ketà ne migkahi diyà te menge etew ne nevurun te, “Ayan se etew ne teleduma ki Hisus ne riyà ebpuun te Nesarit.”

Lucas 16:19

Ne migkahi pà maa si Hisus te, “Duen senge etew ne kewasa nevenar ne mibevelegkas te mepurù nevenar se elehà din, ne ini se ked-ubpàubpà din ne warà egkepemengà din.

Lucas 16:21

Su ebpekeinam ke ruen samà dut te kewasa ne meama. Ne gewii rin te ed-id-irehà ketà ne ruen menge asu ne edilà te padel din.

Juan 11:1

Duen meama ne edaru ne ed-ingaranan ki Lasaru ne riyà ed-ubpà te inged ne Bitanya. Duen deruwa ne etevey rin ne dutun ded dema ed-ubpà ne ed-ingaranan ki Maria wey si Marta.

Nenged-ulaula 3:2

Ne diyà te Nekebpuru ne Valey te Eleteala, ketà te bengawan ne ed-ingaranan te Mekempet ne Bengawan, ne ruen meama ne ebpememuyù ne nepungkù igenat dà te ked-enaka kandin. Uman gewii ne id-ated sikandin ketà te bengawan su ebpememuyù te kureta dut te menge etew ne edlusud dut te Nekebpuru ne Valey te Eleteala.

Santiago 1:9

Ne sikiyu ne menge ayuayu ne mibperetiyaya ki Hisus ne galewhalew kew su mibelielehà kew riyà te etuvangan te Eleteala.

Santiago 2:5

Na menge suled ku ne igkelimù ku, pemineg kew kayi te egkehiyen ku. Misan ke kearen dut te menge ayuayu kayi te ampew te dunya ne reisek dà, ne sikandan dema iya ke menge etew ne nepemilì te Eleteala su apey ke sarig dan kandin ne edekdekelà, ne sikandan dema se edlusud dut te Edetuan din su ini se impasad din dut te langun ne egkelimù kandin.