Lucas 15:31 - Ke meupiya ne tudtul mekeatag ki Hisu Kristu

³¹ “ ‘Mama,’ ke se amey rin, ‘warà ka mekevelag kediey ne langun te kearen ku ne keykew.

Lucas 15:31 ပူးပေါင်းရင်းမြစ်များ

Lucas 15:30

Ugaid ne guna su mid-ulì en ayan se anak nu ne mideraat te kearen nu su indumaruma rin te meritan ne midsumbalì nu mulà ke pinelambù ne nati.’

Lucas 15:32

Ugaid ne iyan din kemeyidan ne egalewhalew ki, su ini se ari nu ne iring iya te minatey en, ne guntaani ne neuyag maa. Su iring te nelaag en, ne guntaani ne mid-ulì ded.’”

Juan 8:35

Ini se uripen ne kenà ebpekeubpà ketà te baley te kerenan din taman te taman, ugaid ne ke tuney ne anak se ebpekeubpà ketà taman te taman.

Ruma 11:1

Misan pà benar ne meresen ke ulu te menge Hudiyanen diyà te Eleteala, ne maa mid-engkeran be te Eleteala ini se kandin ne menge etew? Kenà en iya arà! Su siaken dema ne Hudiyanen e red iring kandan su inenakan a ni Benjamin ne seveka ne inenakan ni Abraham.

Ruma 11:35

Ne iring din ded dema ne warà etew ne ebpekevehey kandin te misan engkey en su apey ebpeulian din kandin!”

Ruma 9:4

Su rekelà se tavang te Eleteala ne impekita rin kandan su rengan ne mibpemilì te Eleteala ke menge kevuwaran ni Israyil ne egkevaluy ne menge anak din, ne sikandan ke mid-anak-anak te Eleteala ne diyà te kandan ne impekita te Eleteala ke kenà egkeseupama ne raman din. Mibaal sikandin te neupakatan te kedtavang kandan, ne imbehey rin kandan ke penduan din, ne sikandan ne mibpenurù din te ralan te kebpenenangur dan kandin, ne merakel se impasad din kandan.