Lucas 14:24 - Ke meupiya ne tudtul mekeatag ki Hisu Kristu

²⁴ Ne ini se igkahi ku keniyu, warà senge etew rà dut te neuna ne mid-inggat ku se ebpekeheram dut te elugan ku misan deisek dà.’”

Lucas 14:24 ပူးပေါင်းရင်းမြစ်များ

Mateo 21:43

“Igkahi ku keniyu,” ke si Hisus, “te ini se umun niyu kayi te Edetuan te Eleteala ne id-awà kayi te keniyu ne ibehey diyà te ruma ne menge etew ne ebperumaruma te Lalag te Eleteala. [

Mateo 22:8

“Ne midtawag din ini se menge edsugsuhuen din ne migkahi te, ‘Nekepehendad en ke ibpekaan ku te kevurunan te kegkawing te anak ku, ugaid ne arà se menge etew ne mid-inggat ku ne kenà dan ebpekekaan su mid-engkenà dan dut te kineinggat ku kandan.

Lucas 14:23

“Ne migkahi pà ke ebpengemuney kandin te, ‘Tuntula nu ke merampal wey ke merimun ne menge ralan ne il-iluti nu te ebpepengkayi ke menge etew su apey egkepengkeg ini se valey ku.

Lucas 14:25

Ne mid-ipanew maa si Hisus ne merakel nevenar ne etew ne miduma kandin. Ne midsineruwan ni Hisus sikandan se egkahi te,

Juan 3:19

Iyan kedusa te Eleteala te menge etew su nekeuma en kayi te ampew te dunya si Hisus ke ed-ingaranan te Kerayag su ebpekerayag dut te itungan te langun ne menusiyà, ugaid ne iyan dan midtumù ke kerusireman tumin dè be dut te rayag su meraat ke ulaula ran.

Juan 3:36

Ne langun ne ebperetiyaya dut te Anak te Eleteala ne egkevehayan te umur ne warà edtemanan din; ugaid ne langun ne kenà ebperetiyaya dut te Anak te Eleteala ne kenà egkevehayan te umur ne warà edtemanan din, nasì pà te iyan igkevehey kandan ke kedusai te Eleteala te warà edtemanan din.

Juan 8:21

Ne migkahi pà maa si Hisus diyà te menge egkeunutan te Hudiyanen te, “Ed-ewaan ku en sikiyu ne ebpemengà kew kediey su apey kew ebpekepeliyu, ugaid ne kenà e ma nikiyu egketuen ne ebpematey kew red keniyan te salà niyu ne kenà egkepesahad. Su kenà kew ebpekependiyà te ebpesineruwan ku.”

Juan 8:24

Tembù be intarem ku en keniyu,” ke si Hisus, “te ebpematey kew red keniyan te salà niyu ne kenà egkepesahad. Uya embiya kenà kew ebperetiyaya te siaken arà ke intarem ku keniyu ne riyà ebpuun te Eleteala ne ebpematey kew red keniyan te salà niyu ne kenà egkepesehad.”

Nenged-ulaula 13:46

Ugaid ne nasì en ne mid-iseg si Pablo wey si Bernabe te edlalag ne egkahi te, “Iyan iya se ed-unaan dey sikiyu ne menge Hudiyanen te ebpesabut dut te Lalag te Eleteala. Ne geina te warà niyu telimaa ini wey ne warà niyu mepegitung te sikiyu se dait ne ebpeketelimà te umur ne warà edtemanan din, ne ed-ewaan dey sikiyu su ebpendiyà key te menge etew ne kenà Hudiyanen.