Lucas 14:18 - Ke meupiya ne tudtul mekeatag ki Hisu Kristu

¹⁸ “Ugaid ne langun te mig-inggat din ne mibaal te sumbuwan. Ke se neuna kayi te edsugsuhuen te, ‘Kenà dà mebmeraat se hinawa nu su kenà a ebpekependiyà su ruen tanà ne mibpemasa ku ne ed-intengan ku pà.’

Lucas 14:18 ပူးပေါင်းရင်းမြစ်များ

Lucas 14:17

Guna su ini en ke bungkà te kevurunan din ne midsuhù din ke edsugsuhuen din diyà te menge etew ne mid-inggat din te ebpesabut kandan te, ‘Kuwa kew en su ebpekaan en.’

Lucas 14:19

“Senge etew maa se migkahi te, ‘Kenà dà mebmeraat se hinawa nu su kenà a ebpekependiyà su ruen sepulù ne sapì ne mibpemasa ku ne ini pà ne igeram ku te edadu.’

Lucas 18:24

Nekita ni Hisus te neuru ke meama ne migkahi sikandin te, “Merehen nevenar te kewasa ne etew se kebpesakup din dut te menge etew ne Edetuan te Eleteala.

Lucas 8:14

Ne ke sepinitan ne neuluhan te benì ne arà ke menge etew ne nekerineg te Lalag te Eleteala, ugaid ne gewii ran te ebpetindalan ne merakel se egkubmus dut te lalag ne nerineg dan iring te kemutuwan dan te ked-ubpà-ubpà, ne kegkelilingey ran dut te menge kearen dan, wey ke pegungayà te kebpatà te nanam, ne warà dan en mekeuma te kebehas dan.

Juan 1:11

Nekeuma sikandin kayi te inged din, ne misan ke kereremigey rin ne Hudiyanen ne warà midtelimà kandin.

Juan 5:40

Ugaid ne kenà kew egkiyug ne ebpengkayi te kedì su apey kew perem ebpekehaked te umur ne warà edtamanan din.

Pilipus 3:4

Su embiya ke ed-ul-ulaan tew rà se edserihan tew te ebpekeliyu, ne ebpekeliyu ad iya. Ne embiya ruen etew ne iyan din pegitung ne ebpekepeliyu sikandin sabap dut te ed-ul-ulaan din, ne neliyuwan ku pà sikandin.

2 Timoteo 4:10

Su mid-awà en si Demas kayi te kedì ne mibpendiyà te Tiselunika. Su iyan din pinedlabi ke keupianan din kayi te ampew te dunya. Si Kirisin se mibpendiyà te Galasiya wey si Tito se mibpendiyà te Dalmasiya.

2 Timoteo 4:4

Kenà dan edtelimaan ke benar ne penurù su iyan dan edtumuen ke mibèbeelan dà ne guhud misan kenà benar.

Hibruhanen 12:16

Ne uram kew te kenà kew ed-ulaula te meredsik etawa ke ebpekewaraan niyu te hinawa niyu ke Eleteala iring ki Esau rengan. Su geina te pengenayan si Esau rut te amey rin ne ruen impasad kandin te Eleteala, ugaid ne insambì din dà ini se kewaris din te pengenayan te egkeenen ne keseveka rin dà egkeena.