Lucas 13:25 - Ke meupiya ne tudtul mekeatag ki Hisu Kristu

²⁵ Su ke kemuney te valey se ebpendiyà te gumawan su ebpintuan din ne riyà kew rà te liyu se edtawag te, ‘Mama, bukai key pà te lekeb.’ “Ugaid ne iyan din egkehiyen se, ‘Kenà ku egketuenan ke endei kew ebpuun.’

Lucas 13:25 ပူးပေါင်းရင်းမြစ်များ

Mateo 25:41

“Ne ketà ne egkehiyan din ke menge etew kayi te egkehivang din te, ‘Sikiyu ne mibpenrewakan te Eleteala su nesuhat kew te sakit te hinawa rin, awà kew kayi te kediey! Pendiyà kew te apuy nerakà ne kenà egkeevukan ne impenehana ki Setanas ke datù te pekaid wey ke menge sakup din.

Lucas 13:27

“Ugaid ne edtavak maa sikandin te, ‘Kenà ku iya egketuenan ke endei kew ebpuun. Awà kew kayi te kediey, sikiyu ne menge etew ne meraat se ulaula niyu!’ ke se kemuney te valey.

Lucas 3:8

Embiya benar ne mid-engkeran niyu ke meraat ne ulaula niyu, ne ipekita niyu kayi te ulaula niyu. Ne kenà kew egkahi te sikiyu ne kenà edusaan te Eleteala su kevuwaran kew ni Abraham. Su igkahi ku keniyu,” ke si Juan, “misan ini se menge batu ne egkepebaluy te Eleteala ne etew ne tuney ne kevuwaran ni Abraham ne igkesambì keniyu.

Lucas 6:46

Ne ruen pà lavew migkahi ni Hisus, ke sikandin te, “Meambe ke layun a niyu ed-ingerani te ‘Kerenan’, ugaid ne kenà kew ma eduma rut te igkahi ku keniyu?

2 Kurintu 6:2

Su ke hewii ne kedtavang te Eleteala dut te menge etew ne ruen tedtab din. Iring dut te impesurat ne Lalag te Eleteala ne egkahi te, “Neumaen ke hewii ne ibpekita ku ke kegkeyru ku keniyu, ne nerineg ku ke kebpengeningeni niyu. Uya, impekita ku ke daat te nanam ku keniyu, ne midtevangan ku sikiyu te kebpeliyu keniyu.” Na itaan niyu ve ke telinga niyu kayi te ini se egkehiyen ku. Su ini en ke hewii ne intail din te kedtavang keniyu. Uya, ini en ke hewii te kebpeliyu rin dut te menge etew ne mibperetiyaya kandin.

Hibruhanen 12:17

Ne neiseg-iseg dutun ne netuenan ta te nepegpegitung din se ebpekelived ded diyà te kandin ke kewaris te pengenayan su apey red dema egkepenaub sikandin te Eleteala. Ugaid ne kenà en egkepakey ne ebpekelived pà ini se kewaris ne insambì din su arà se ned-ulaula rin ne kenà en egkesembian, misan pà te midsinehew sikandin te kinepekedsendit din.