Lucas 12:58 - Ke meupiya ne tudtul mekeatag ki Hisu Kristu

⁵⁸ Upama ke ruen edwagib kenikew ne ed-ewiten ka riyà te kukuman, ne pekidtuntey ka nevenar kandin gewii te keniyan ka pà te ralan su apey kenà ka ibpelaus diyà te uwis. Su embiya ebpekeetuvang ka riyà te uwis ne ibehey ka riyà te menge pulis, ne ke menge pulis se ebilanggù keykew.

Lucas 12:58 ပူးပေါင်းရင်းမြစ်များ

Mateo 18:30

“Ugaid ne warà migkiyug, nasì pà te impevilanggù din ne kenà sikandin ebpekelihawang taman te kenà din egkevayaran ke langun ne utang din.

2 Kurintu 6:2

Su ke hewii ne kedtavang te Eleteala dut te menge etew ne ruen tedtab din. Iring dut te impesurat ne Lalag te Eleteala ne egkahi te, “Neumaen ke hewii ne ibpekita ku ke kegkeyru ku keniyu, ne nerineg ku ke kebpengeningeni niyu. Uya, impekita ku ke daat te nanam ku keniyu, ne midtevangan ku sikiyu te kebpeliyu keniyu.” Na itaan niyu ve ke telinga niyu kayi te ini se egkehiyen ku. Su ini en ke hewii ne intail din te kedtavang keniyu. Uya, ini en ke hewii te kebpeliyu rin dut te menge etew ne mibperetiyaya kandin.

1 Pedro 3:19

ne mibpendiyà ke gimukud din te bilengguan te gimukud dut te menge minatey ne mibpatey rengan su mibpesabut kandan te Lalag te Eleteala.

2 Pedro 1:15

Tembù be idsurat ku ini riyà te keniyu su embiya warà a kayi te keniyu ne kenà niyu egkelipatan ini se impenurù ku keniyu.

Hudas 1:3

Menge suled ne igkelimù ku, mibpenemaran ku se kedsurat ku keniyu mekeatag te peretiyaya tew ne egkeheram te langun tew ne mibperetiyaya. Ugaid ne iyan migavan te itungan ku ne edsuratan ku pà sikiyu te kegkevag-et te itungan niyu te ed-itindeg dut te peretiyaya niyu su ini se penurù se imbehey te Eleteala dut te menge etew rin ne kenà en egkeumanan te misan deisek dà.

Imperayag 20:7

Na, embiya egkepupus en arà se sengivu ne rahun, ne ibpelihawang dan pà si Setanas ke datù te pekaid ketà te liyang ne mibilengguan kandin.